專科醫生：光顧者形同白老鼠

【蘋果日報】對於有內地假醫生來港為少女施針微整形，有專科醫生擔心，少女接受未獲認證藥物注射，形同白老鼠，一旦手術有任何意外，酒店無足夠醫療設備急救，風險極高。
酒店無醫療器材急救
涉事微整團在網上吹噓不同的微整針劑注射，以「唔賺錢，只求案例」來低價促銷，當中包括埋線減肥及注射美白針。惟整形外科專科醫生何榮潤（圖）指，該些微整方法並非本港醫學界通用，「我哋嘅認知係唔得」。何榮潤坦言對相關針藥流通感詫異，「如果一路推出，一路求認證，你即係當啲病人做白老鼠，你唔係進行緊醫療治療，係醫療實驗喎」。
何榮潤擔心，過去曾有因靜脈注射而出事個案，如注射不明來歷配方針劑引發意外，後果不堪設想，「酒店房間都唔係一個醫療地方，夠唔夠醫療器材去做補救或者搶救？」他認為在酒店行醫的衞生未如理想，亦欠合資格醫療設施，而施行手術的聲稱醫生及助手資格亦存疑，「個（假）醫生好似帶住個行山頭燈咁樣幫人哋做一個醫療程序，證明嗰個場所根本上好缺乏設施啦」。而且病人在公開場合接受治療亦有欠私隱，情況毫不專業。
■記者龔蕙芝
長青網 - 一站式長者及護老者生活資訊網站