新聞類別
娛樂
詳情#
【蘋果日報】前日拆禮物日，鄧紫琪（G.E.M.）、何超蓮、李蘊同林奕匡同鄧佩儀等約埋開派對。李蘊凌晨3點幾喺Ig貼出合照，留言：「Boxing Day party玩到依家先散，對我嚟講好夜㗎啦，頭先氹咗個仔瞓先有得玩兩鋪《狼人殺》，好奢侈，有得瞓唔瞓，不過過幾日就搬去廣州了，再聚又要等一排啦！」而超蓮喺Ig上載影片，見一班人坐喺圓枱，由林奕匡老婆Rikko負責做桌上遊戲《狼人殺》主持人，林奕匡仲對住鏡頭扮狼，認真搞笑。呢個《狼》桌遊近排大熱，唔少人都好鍾意玩，一局時間大概20至30分鐘。估唔到喺手遊時代，佢哋都鍾情玩桌遊。
另外，梁家輝大前日同太太江嘉年等喺屋企搞咗個聖誕大派對，仲邀請埋劉美君一齊玩。當日嘅聖誕派對節目豐富，「有cake有糖」不在話下，仲預備咗豐富食物同大量禮物，作為交換之用。
梁家輝預埋劉美君
梁家輝囡囡Chloe前日喺Ig貼出不少合照，仲留言「Merry Christmas from my family to yours」。從啲相睇到主人家家輝兩夫婦、孖女Nikkie、Chloe同佢位外籍男朋友，仲有好友劉美君。劉美君同Chloe老友鬼鬼，兩人仲喺聖誕樹前影相，大家都玩得好開心。相入面又見到一堆禮物，主人家喺揀禮物時，都花咗唔少心思。
撰文：馮仁昭
長青網 - 一站式長者及護老者生活資訊網站
另外，梁家輝大前日同太太江嘉年等喺屋企搞咗個聖誕大派對，仲邀請埋劉美君一齊玩。當日嘅聖誕派對節目豐富，「有cake有糖」不在話下，仲預備咗豐富食物同大量禮物，作為交換之用。
梁家輝預埋劉美君
梁家輝囡囡Chloe前日喺Ig貼出不少合照，仲留言「Merry Christmas from my family to yours」。從啲相睇到主人家家輝兩夫婦、孖女Nikkie、Chloe同佢位外籍男朋友，仲有好友劉美君。劉美君同Chloe老友鬼鬼，兩人仲喺聖誕樹前影相，大家都玩得好開心。相入面又見到一堆禮物，主人家喺揀禮物時，都花咗唔少心思。
撰文：馮仁昭
長青網 - 一站式長者及護老者生活資訊網站
回應 (0)
