新聞類別
娛樂
詳情#
【蘋果日報】酒精呢家嘢！真係害人不淺。男星「哈哈」多年前已經好鍾意飲酒，飲大咗之後不但亂噏，仲會手舞足蹈。嗰陣佢年少氣盛，加上又鍾意夜蒲，周不時喺酒吧飲大兩杯就同人嗌交。不過最大鑊嗰次，就係喺公眾場合發酒癲，仲狼死到打交。經過嗰次教訓之後，哈哈認衰仔道晒歉，又話賠錢又話盛，仲因為當時風頭火勢，為咗表現出佢嘅悔意，發晒誓話以後會戒酒。
不過哈哈咁多年嚟依然好鍾意飲酒，一直鍾意「嗒」番兩杯，不時會約埋三五知己出嚟嘆吓，仲試過因為酒駕被罰停牌。咪以為佢經歷過兩次麻煩事會修心養性，哈哈依然係唔識死，試過去夜店撞到記者，又發酒癲喺街頭拉拉扯扯，報道出街之後，佢又係講嗰句會戒酒。不過今次佢就真係唔再曳曳，話晒經一事長一智，自從連番爆鑊搞到事業有落冇上，哈哈就變得好努力工作，之後有埋家庭，大眾對佢以前啲行為都逐漸淡忘。
鍾意high感覺
姐匙聽到哈哈原來到依家仍然好愛杯中物，話鍾意酒後勁high嗰種感覺喎。不過哈哈嘅脾氣就比當年收斂咗好多，就算發酒癲都係口噏噏，唔會再郁手郁腳。冇幾耐前，佢就約埋一班製作人去旺角打邊爐，席間明顯又飲大咗，不停喺火鍋店大叫：「我愛你哋！我愛你哋！我愛你哋全部人……」搞到其他食客都眼望望。
撰文：Jessie
本欄逢周五刊登
姐匙Talk
我姐匙縱橫歌影視幕後，咁多年嚟冷眼旁觀，娛樂圈大小事都走唔過我雙眼，真係頂唔順要爆啦！歡迎大家嚟剝花生。
長青網 - 一站式長者及護老者生活資訊網站
不過哈哈咁多年嚟依然好鍾意飲酒，一直鍾意「嗒」番兩杯，不時會約埋三五知己出嚟嘆吓，仲試過因為酒駕被罰停牌。咪以為佢經歷過兩次麻煩事會修心養性，哈哈依然係唔識死，試過去夜店撞到記者，又發酒癲喺街頭拉拉扯扯，報道出街之後，佢又係講嗰句會戒酒。不過今次佢就真係唔再曳曳，話晒經一事長一智，自從連番爆鑊搞到事業有落冇上，哈哈就變得好努力工作，之後有埋家庭，大眾對佢以前啲行為都逐漸淡忘。
鍾意high感覺
姐匙聽到哈哈原來到依家仍然好愛杯中物，話鍾意酒後勁high嗰種感覺喎。不過哈哈嘅脾氣就比當年收斂咗好多，就算發酒癲都係口噏噏，唔會再郁手郁腳。冇幾耐前，佢就約埋一班製作人去旺角打邊爐，席間明顯又飲大咗，不停喺火鍋店大叫：「我愛你哋！我愛你哋！我愛你哋全部人……」搞到其他食客都眼望望。
撰文：Jessie
本欄逢周五刊登
姐匙Talk
我姐匙縱橫歌影視幕後，咁多年嚟冷眼旁觀，娛樂圈大小事都走唔過我雙眼，真係頂唔順要爆啦！歡迎大家嚟剝花生。
長青網 - 一站式長者及護老者生活資訊網站
回應 (0)
