新聞類別
財經
詳情#
【蘋果日報】向來打着「無為而治」作管理哲學的中原集團創辦人施永青，年登七旬的他，面對自己一手創辦的集團業務日益壯大，坦言「年紀大，進取心就無咁好」，着手交棒予第二代。下月出任中原證券主席的千金施慧勤，將負責獨家經銷由鵬格斯設立的C基金，中原地產以投資者身份斥逾億元投資有關基金。「似無為，實有為」，為傳承作準備。
記者：葉煜燊
無論在工作或家庭都奉行老子「無為而治」理念的施永青，儘管喊着無為，在接受訪問中直言「人去到某啲年紀都有自知之明，我仲有幾個月踏入71歲，當年紀大，進取心就無咁好。雖然經驗一路增加，但我認為年輕人動力會高啲，睇眼光長遠啲，接受新事物會好啲，應該交畀年輕人做。」
仍需經驗掌握
施永青多年來打理其地產王國，憑無為理念由地產代理，開拓業務至證劵、理財策劃及投資管理等範疇，兩名子女行事低調，均在英國升學，回港後未有立即加入「家族生意」幫手，反而汲取「打工」經驗，累積實戰經驗。
在英國劍橋大學修讀經濟的千金施慧勤，將任中原證券主席暨利嘉閣地產主席，中原集團日前便宣佈與鵬格斯合作推出C基金，由鵬格斯擔任基金經理，中原證券任經銷商，中原地產擔任投資角色。由樓市所賺得的錢轉為投資股市，又安插仔女當集團核心位置，似乎有違「無為」理念，施永青說：「仔女係獨立嘅人，佢哋有權選擇做佢喜歡做嘅事，如果唔係一早出世就要做呢行，對佢好唔公平，我都等佢自己選擇。」
他指相當看好子女的才能，「佢哋睇問題幾全面同埋幾實際，價值觀察問題嘅能力，我認為佢哋有嘅，判斷力都有嘅」，不過卻認為他們缺乏經驗，「問題就係推行呢啲工作，點樣用人去完成佢想做嘅嘢呢方面，係需要經驗掌握，呢啲要工作中去掌握，唔係MBA就識。」
施永青指，愛女施慧勤將負責中原部份非地產業務，當中包括擔任C基金經銷商的中原證券。據指，中原證券於2017年與鵬格斯開始合作推出資產管理服務，其後更促成C基金，並於施慧勤正式擔任中原集團子公司主席後的第一日（1月2日）運作，而施永青則擔住顧問委員會之一。可見施永青去年起便計劃藉着是次基金項目，為愛女提供鍛鍊的機會，同時還透過中原地產斥逾億元投入C基金，作為施慧勤的起步點。
指子女人工低
雖然兩名子女佔據集團核心位置，施永青直言「暫時佢哋人工都好低，分分鐘低過你都唔定，但佢哋要靠公司盈利先可以有得分，人工好似冇咁多，人事部畀多咗，呢兩個月冇盈利得底薪」。
C基金入場門檻低，毋須是專業投資者亦可認購，操作上較為容易。鵬格斯創辦人一、前惠理基金的高級基金經理李浩德表示，C基金屬於中長線投資，為中高風險類別，在香港、深圳、上海上市的股票中選擇30至50隻股票。為吸引投資者入場，不會為資產證明或是否屬於專業投資者等作特別調查，只簡單查客戶背景，而且門檻只需100港元。
施永青金句
‧我仲有幾個月踏入71歲，當年紀大，進取心就無咁好。
‧仔女係獨立嘅人，佢哋有權選擇做佢喜歡做嘅事。
‧需要經驗掌握，呢啲要工作中去掌握，唔係MBA就識。
‧佢哋（指仔女）人工都好低……呢兩個月冇盈利得底薪。
‧我唔可以阻止我啲仔女想參與營運。
長青網 - 一站式長者及護老者生活資訊網站
記者：葉煜燊
無論在工作或家庭都奉行老子「無為而治」理念的施永青，儘管喊着無為，在接受訪問中直言「人去到某啲年紀都有自知之明，我仲有幾個月踏入71歲，當年紀大，進取心就無咁好。雖然經驗一路增加，但我認為年輕人動力會高啲，睇眼光長遠啲，接受新事物會好啲，應該交畀年輕人做。」
仍需經驗掌握
施永青多年來打理其地產王國，憑無為理念由地產代理，開拓業務至證劵、理財策劃及投資管理等範疇，兩名子女行事低調，均在英國升學，回港後未有立即加入「家族生意」幫手，反而汲取「打工」經驗，累積實戰經驗。
在英國劍橋大學修讀經濟的千金施慧勤，將任中原證券主席暨利嘉閣地產主席，中原集團日前便宣佈與鵬格斯合作推出C基金，由鵬格斯擔任基金經理，中原證券任經銷商，中原地產擔任投資角色。由樓市所賺得的錢轉為投資股市，又安插仔女當集團核心位置，似乎有違「無為」理念，施永青說：「仔女係獨立嘅人，佢哋有權選擇做佢喜歡做嘅事，如果唔係一早出世就要做呢行，對佢好唔公平，我都等佢自己選擇。」
他指相當看好子女的才能，「佢哋睇問題幾全面同埋幾實際，價值觀察問題嘅能力，我認為佢哋有嘅，判斷力都有嘅」，不過卻認為他們缺乏經驗，「問題就係推行呢啲工作，點樣用人去完成佢想做嘅嘢呢方面，係需要經驗掌握，呢啲要工作中去掌握，唔係MBA就識。」
施永青指，愛女施慧勤將負責中原部份非地產業務，當中包括擔任C基金經銷商的中原證券。據指，中原證券於2017年與鵬格斯開始合作推出資產管理服務，其後更促成C基金，並於施慧勤正式擔任中原集團子公司主席後的第一日（1月2日）運作，而施永青則擔住顧問委員會之一。可見施永青去年起便計劃藉着是次基金項目，為愛女提供鍛鍊的機會，同時還透過中原地產斥逾億元投入C基金，作為施慧勤的起步點。
指子女人工低
雖然兩名子女佔據集團核心位置，施永青直言「暫時佢哋人工都好低，分分鐘低過你都唔定，但佢哋要靠公司盈利先可以有得分，人工好似冇咁多，人事部畀多咗，呢兩個月冇盈利得底薪」。
C基金入場門檻低，毋須是專業投資者亦可認購，操作上較為容易。鵬格斯創辦人一、前惠理基金的高級基金經理李浩德表示，C基金屬於中長線投資，為中高風險類別，在香港、深圳、上海上市的股票中選擇30至50隻股票。為吸引投資者入場，不會為資產證明或是否屬於專業投資者等作特別調查，只簡單查客戶背景，而且門檻只需100港元。
施永青金句
‧我仲有幾個月踏入71歲，當年紀大，進取心就無咁好。
‧仔女係獨立嘅人，佢哋有權選擇做佢喜歡做嘅事。
‧需要經驗掌握，呢啲要工作中去掌握，唔係MBA就識。
‧佢哋（指仔女）人工都好低……呢兩個月冇盈利得底薪。
‧我唔可以阻止我啲仔女想參與營運。
長青網 - 一站式長者及護老者生活資訊網站
留言 (0)
