新聞類別
港聞
詳情#
【蘋果日報】【抗逆正能量】「三十功名塵與土，八千里路雲和月。莫等閒，白了少年頭，空悲切……」中六學生周文軒在台上激昂地朗誦岳飛的《滿江紅》，這是他最喜歡的一首作品。他小學時是老師眼中的麻煩學生，經常打架、逃學，其後被送進群育學校。升上中學後，躲在一角成為無人注意的「透明人」，直到中四那年，父親因病離世，臨終前不忘提醒兒子「生性啲」，過去錯過與父親相處成了無法填補的遺憾，也因如此，意識到要有所轉變才不致辜負父親最後的寄望。逆境奮發的經歷讓他獲得今年度的「司徒華教育基金好學生獎」。
記者︰李雨夢
周文軒現正於伯裘書院就讀，準備迎接明年的文憑試，「希望大學可以讀到歷史系」，在中學老師眼中，周文軒是個耀眼且認真的好學生，但在小學老師眼中，他卻是一個令人頭痛的麻煩學生。對於童年，他有一個難以磨滅的陰影，小學時候，周文軒沒有甚麼朋友，惟有一頭黃色的野貓，可以說是當時唯一的朋友，「但係有一次，我哋遇到一班惡狗，我當時竟然拋棄咗呢個朋友，一手將佢掟去惡狗度，最後狗主嚟到帶走佢哋，但隻貓已經死咗」。這次事件為他帶來久久不散的內疚感，亦種下了以暴易暴的念頭，「嗰時會開始覺得力量至上，好似咁樣先守護到想守護嘅嘢」。
於是，小學時候的周文軒在校內經常與同學打架及吵架，「激到英文老師扭我耳仔，扭到出血」，小三那年因為打架而被警司警誡。後來流連機舖，「打機打到學都唔返，試過兩日唔返學」。他後來被家人送到群育學校則仁中心寄宿，「其實當時好唔理解屋企人點解要咁做，入咗去之後都係會同人打架，但後尾變晒做朋友，入面有老師教咗我好多道理，慢慢自己會反思以前嘅所作所為」。
「同人多咗交流，個人亦都開朗咗，原來個世界都唔係咁灰暗。」
升上中學後，回到自由的世界，卻無所適從，慢慢又回到沉迷電子遊戲的世界，「喺學校好少講嘢，試過一年都唔講嘢，返學剩係瞓覺」，無人注意，像是學校裏的透明人。中三那年，父親患末期癌症，周文軒到醫院探望父親，看到插滿喉管及戴上氧氣罩的身軀，才猛然發覺錯過了太多與父親相處的時光，「我記得我去探佢嗰陣，我問佢︰『你OK嗎？』佢答我OK，之後同我講，衰仔生性啲啦，唔好再咁錯落去」。那時開始，周文軒意識到要有所轉變，於是踏出了第一步。
周文軒的中文老師周家蕙記得，初中時候對於這個學生完全沒有印象，「直到中三，有一次我叫同學帶啲物件返嚟自我介紹，佢係第一個企出嚟」，周文軒自言那是第一次嘗試，後來慢慢作出更多不同的嘗試，例如朗誦，今年6月便在亞洲學生朗誦比賽中奪得高中普誦話詩詞獨誦的冠軍，「會同人多咗交流，個人亦都開朗咗，原來個世界都唔係咁灰暗」。直到中四，父親離世，「我終於明乜嘢叫子欲養而親不在，真係痛到入心」。
家庭經歷劇變，母親亦有良性腫瘤，而弟弟患有甲亢，周文軒希望為家裏負上責任，一邊讀書，一邊兼職，一邊參加朗誦，藉此建立起屬於自己的價值觀，「參加朗誦嘅時候，老師有叫我哋去查首作品嘅背景，我因為咁而開始對歷史產生興趣，尤其係古文作品，入面有好多仁義禮智嘅價值觀」，對於父親，現時他只想說句，「辛苦啦，令你擔心咗咁多年」。
長青網 - 一站式長者及護老者生活資訊網站
記者︰李雨夢
周文軒現正於伯裘書院就讀，準備迎接明年的文憑試，「希望大學可以讀到歷史系」，在中學老師眼中，周文軒是個耀眼且認真的好學生，但在小學老師眼中，他卻是一個令人頭痛的麻煩學生。對於童年，他有一個難以磨滅的陰影，小學時候，周文軒沒有甚麼朋友，惟有一頭黃色的野貓，可以說是當時唯一的朋友，「但係有一次，我哋遇到一班惡狗，我當時竟然拋棄咗呢個朋友，一手將佢掟去惡狗度，最後狗主嚟到帶走佢哋，但隻貓已經死咗」。這次事件為他帶來久久不散的內疚感，亦種下了以暴易暴的念頭，「嗰時會開始覺得力量至上，好似咁樣先守護到想守護嘅嘢」。
於是，小學時候的周文軒在校內經常與同學打架及吵架，「激到英文老師扭我耳仔，扭到出血」，小三那年因為打架而被警司警誡。後來流連機舖，「打機打到學都唔返，試過兩日唔返學」。他後來被家人送到群育學校則仁中心寄宿，「其實當時好唔理解屋企人點解要咁做，入咗去之後都係會同人打架，但後尾變晒做朋友，入面有老師教咗我好多道理，慢慢自己會反思以前嘅所作所為」。
「同人多咗交流，個人亦都開朗咗，原來個世界都唔係咁灰暗。」
升上中學後，回到自由的世界，卻無所適從，慢慢又回到沉迷電子遊戲的世界，「喺學校好少講嘢，試過一年都唔講嘢，返學剩係瞓覺」，無人注意，像是學校裏的透明人。中三那年，父親患末期癌症，周文軒到醫院探望父親，看到插滿喉管及戴上氧氣罩的身軀，才猛然發覺錯過了太多與父親相處的時光，「我記得我去探佢嗰陣，我問佢︰『你OK嗎？』佢答我OK，之後同我講，衰仔生性啲啦，唔好再咁錯落去」。那時開始，周文軒意識到要有所轉變，於是踏出了第一步。
周文軒的中文老師周家蕙記得，初中時候對於這個學生完全沒有印象，「直到中三，有一次我叫同學帶啲物件返嚟自我介紹，佢係第一個企出嚟」，周文軒自言那是第一次嘗試，後來慢慢作出更多不同的嘗試，例如朗誦，今年6月便在亞洲學生朗誦比賽中奪得高中普誦話詩詞獨誦的冠軍，「會同人多咗交流，個人亦都開朗咗，原來個世界都唔係咁灰暗」。直到中四，父親離世，「我終於明乜嘢叫子欲養而親不在，真係痛到入心」。
家庭經歷劇變，母親亦有良性腫瘤，而弟弟患有甲亢，周文軒希望為家裏負上責任，一邊讀書，一邊兼職，一邊參加朗誦，藉此建立起屬於自己的價值觀，「參加朗誦嘅時候，老師有叫我哋去查首作品嘅背景，我因為咁而開始對歷史產生興趣，尤其係古文作品，入面有好多仁義禮智嘅價值觀」，對於父親，現時他只想說句，「辛苦啦，令你擔心咗咁多年」。
長青網 - 一站式長者及護老者生活資訊網站
留言 (0)
