田北俊不信林鄭沒介入

【蘋果日報】律政司被揭不就UGL案檢控前特首梁振英向外尋求獨立法律意見，曾任立法會議員及行會成員的自由黨榮譽主席田北俊稱，政府若要檢控某人，「相信會搵一個好堅嘅、喺外國打官司入罪率好高嘅大狀（畀法律意見）」，指梁治下對付前政務司司長許仕仁及前特首曾蔭權，律政司都曾找海外御用大狀提供法律意見，惟UGL案律政司竟未另尋獨立法律意見，質疑政府此地無銀，更稱不相信特首林鄭月娥沒介入，「可能法律意見交畀律政司自己決定，政治決定一定係特首自己揸住」。
指律政司此地無銀
田接受《蘋果》訪問時指，對UGL案的關注並非是否向梁提告，而是政府處理是否得當，「一定要畀人睇到香港嘅法治係有效嘅，呢件事（UGL案）嚟講我覺得處理得好差」。
田提出幾大質疑，指律政司為避嫌，一般會就涉及公職人員案尋求獨立意見，但律政司今次未有這樣做，「自己都作出咗個判斷而係冇解釋嘅」，令人質疑此地無銀三百両，「（是否）有嘢好驚，就自己揸主意決定唔告？」又質疑廉署追查近四年，當局卻未披露蒐證工作詳情。
相對許仕仁及曾蔭權貪案，田認為梁涉及5,000萬元金額更大，若以曾案為例，「當年係梁振英政府話要告，結果反而係陪審團還佢（曾）清白，覺得入面好多疑點唔定罪」，認為UGL案由法庭判決，或更有助還梁清白，「作為前特首，我相信佢永遠都唔可以說服所有人，佢係冇事」。他強調不認同隨意提檢控，最重要是有否足夠證據，但至今資料有限，認為鄭若驊有需要交代更多詳情。
雖然林鄭曾指檢控工作由律政司負責，不受干預，但田不信林鄭沒參與，「你話純粹律政司司長一個人拍呢個板（不檢控）？我就唔信嘞，中央官員都講過，特首係超然」。他指梁振英在任特首時，時任行會的「梁粉」張震遠幾年內也未被起訴，相反林鄭一當特首就提控，令人質疑案件涉及前特首，「（個案）一定會去到林鄭嗰度，唔相信佢冇介入」，更假設指「可能真正情況係，鄭若驊去問佢意見，特首話『唔好拖我落水，因為我選特首時梁振英撐我喎，我依家去郁佢冇乜義氣喎，你去拍板啦』」，田認為鄭交代時也須一併交代林鄭的角色。
■記者許偉賢
長青網 - 一站式長者及護老者生活資訊網站