新聞類別
財經
詳情#
【蘋果日報】
共享工作間近年聽唔少，大把細公司鐘意平平哋租返個細地方，換取喺甲級商廈落腳，出去做嘢都呃得吓人㗎。美國起家的WeWork喺中環LKF Tower嘅17層共享工作間，噚日正式開幕，提供超過1,000張辦公桌，都咪話唔巴閉，仲裝修到靚一靚，睇落唔似平時冷冰冰嘅公司，反而有少少似屋企，仲有好多香港特色嘅燈牌㖭，實行以靚取勝。
呢啲工作間有免費咖啡茶水餅乾提供，可以話係基本盤，唔使太驚訝。而WeWork係有提供啤酒呀！每一層都有一個啤酒喉，喺30樓嘅共享空間，仲有3隻唔同啤酒㖭，實行可以一路做嘢、一路嘆返杯。可能真係啤酒有功，佢哋話員工生產力上升咗唔少喎。
亞洲副主席李愷先唔肯透露呢幢樓實際出租率係幾多，只係笑笑口話超過九成，又話未來一年會開多一倍。WeWork喺香港已有成8個據點，開咁多，租唔租得出㗎？佢拍晒心口咁話，信香港仲有好多需求呀。
李華華
mailto:LiWaWa@AppleDaily.com
LiWaWa@AppleDaily.com
共享工作間近年聽唔少，大把細公司鐘意平平哋租返個細地方，換取喺甲級商廈落腳，出去做嘢都呃得吓人㗎。美國起家的WeWork喺中環LKF Tower嘅17層共享工作間，噚日正式開幕，提供超過1,000張辦公桌，都咪話唔巴閉，仲裝修到靚一靚，睇落唔似平時冷冰冰嘅公司，反而有少少似屋企，仲有好多香港特色嘅燈牌㖭，實行以靚取勝。
呢啲工作間有免費咖啡茶水餅乾提供，可以話係基本盤，唔使太驚訝。而WeWork係有提供啤酒呀！每一層都有一個啤酒喉，喺30樓嘅共享空間，仲有3隻唔同啤酒㖭，實行可以一路做嘢、一路嘆返杯。可能真係啤酒有功，佢哋話員工生產力上升咗唔少喎。
亞洲副主席李愷先唔肯透露呢幢樓實際出租率係幾多，只係笑笑口話超過九成，又話未來一年會開多一倍。WeWork喺香港已有成8個據點，開咁多，租唔租得出㗎？佢拍晒心口咁話，信香港仲有好多需求呀。
李華華
mailto:LiWaWa@AppleDaily.com
LiWaWa@AppleDaily.com
留言 (0)
