深水埗明哥：望佢行返正途

【蘋果日報】「幣少爺」黃鉦傑被指幕後策劃派錢後，大批網民留言指應該直接行善，他前晚在facebook貼文，揚言會到深水埗北河燒臘飯店支持明哥（圖）的派飯行動，購買慈善飯票贈予長者。雖然他昨午確持大量現金開車到深水埗，但最終爽約，更被警方拘捕。明哥指未有接獲幣少爺聯絡，只寄語對方若有意派飯：「希望佢真係行返條正途！」
幣少爺稱買飯票甩底
由於幣少爺表明到訪，吸引大批記者昨早守候在北河燒臘飯店外，探員亦到場了解。明哥昨早參加行山節後下午返舖頭吃飯，才知悉幣少爺聲稱會帶10萬元來買慈善飯票，但「我唔識佢，亦冇人聯絡過我哋」。
對於會否擔心被人利用作宣傳，明哥無奈表示：「唔知呀，好多嘢我唔識。」亦對有人在天台派錢有微言：「教佢點樣做得平衡啲，如果好似噚（前）日咁，擾亂個社會，希望佢真係行返條正途！教佢點樣派啲飯票，如果太多，做唔切，希望佢哋分幾日畀啲基層，有心幫基層的話，做得好好睇睇。」
昨日傍晚5時許，飯店如常派飯，但明哥強調與幣少爺無關。他指飯店生產量有限，除了日常生意外，每日只能製造約400個飯盒，若對方有意買飯票應盡早通知，「如果真係要多，早啲通知我哋，因為儲存嘅貨量好少，我哋都未試過賣咁大筆，最多嗰次係8萬幾蚊，都係千幾張飯票……無論點都好，如有心幫人，我哋會慢慢引導佢去正確嘅道路」。
■記者簡明恩
長青網 - 一站式長者及護老者生活資訊網站