客廳地腳線驚現釘印

【蘋果日報】資深驗樓師詹濟南「詹sir」驗收琴姐阿女以約800萬元買入的將軍澳Monterey一個大兩房單位，主人房窗邊石材驚現全條空心疑雲，客廳地腳線角落驚現釘印，猶如「北斗七星拳」留下烙印，露台地板瓷磚又有「起級」問題，不過四大扣分位全部過關，瑕疵主要是佔分比較低的項目，總分91分，但往後單位能否維持高分則拭目以待。
露台瓷磚現「起級」
詹sir驗收5座低層單位，實用563方呎，他指單位瑕疵少，主要有兩處，首先客廳轉入房間的地腳線角位出現好多點，「呢啲係釘窿，打咗7粒釘落嚟，相信之前條腳線攣咗，於是一堆釘整落去，整返做直腳線……現在整咗7粒釘，應該夠力，唔會彈返出來。」但事後應該要執一執色。另外，露台瓷磚出現「起級」，允許偏差是1毫米，放平水尺後，可以攝入一元硬幣，而一元硬幣厚達2毫米，反映兩磚高低超標。
詹sir敲打主人房窗邊石材，出現空心聲，但他強調，這不是空心問題，石材底沒有石屎，而架於窗框之上，所以點敲都有類似空心的聲音，業主不必擔心脫落，亦不會造成滲水的問題，但放置重物就可免則免。會德豐表示，已收到業主執修表， 會安排承建商跟進。
長青網 - 一站式長者及護老者生活資訊網站