遺傳情緒問題唔怪吳綺莉

【蘋果日報】卓林和媽媽吳綺莉關係近年越來越差，她更曾被傳媒拍到手腕有甚多傷痕，疑似自殘。卓林受訪時坦承做過很多瘋狂事：「我曾經畀人好crazy嘅印象，因為冇人理解我，冇人同我說話而變得crazy。但最終我遇上Andi，我哋傾過所有嘢，搵出痛苦根源，了解呢啲事喺潛意識上點樣影響我哋，我覺得一個人如果決定做你認為應該嘅事，認清自己係邊個，先係真正嘅長大。」
說到卓林和媽媽的性格，她指兩人都是衝動派，都有情緒上問題。問到有否埋怨媽媽？卓林輕嘆一聲﹕「唉，教細路係一代一代傳落嚟……你阿媽點對你，你就點對你嘅細路囉，我好清楚我婆婆點對待我媽媽，所以我從來唔怪佢。」卓林提起婆婆鄭黎明便眉頭緊皺，或許因為她見過婆婆揮菜刀指向媽媽，又逼媽媽跪地攞每月家用。
卓林坦言很想與媽媽修補關係，但雙方必須多點體諒，至今仍未打算搬回娘家，她解釋：「嗰個環境對我嘅精神健康唔係太好，我要學懂照顧自己，而我都開心咗唔少，我見到希望，個性開心咗好多。」

長青網 - 一站式長者及護老者生活資訊網站