新聞類別
財經
詳情#
【蘋果日報】近日中環流傳程總裁係IT狗，本總裁冇階級之分，但老老竇竇，我唔似IT狗吓化？既然係咁，我就寫吓金融政策，講吓聯繫滙率。
早排本總裁同一位離開咗體制嘅高人飲茶，暢談時事，其中一個話題係聯繫滙率，佢話離開咗金融界先夠膽講，唔係傳到陳總裁耳邊，奪命追魂call都似。
佢話，喺中美新冷戰背景下，香港未來幾年最大風險，就係聯滙脫鈎，「聯滙建立嘅年代，中國經濟高速增長，世界都在講China story，全球資金流入東方，包括香港，逐漸建立龐大嘅美元儲備，呢個係聯滙嘅基石。」
高人繼續說，「但呢個story已經逆轉，美國經濟經歷後金融海嘯年代已經復蘇，反而眾多數據顯示中國經濟長遠現疲態，再加上中美新冷戰處下風，如果拖累到作為中國proxy的香港，逾萬億儲備逐漸流走，未來幾年樓市最大風險，其實係聯滙脫鈎。」
本總裁同意高人說法，亦提到另一個風險，其實係政治環境──香港社會近年赤化，一國兩制褪色，提議港元掛鈎人民幣聲音不絕於耳，喺中美冷戰白熱化情況下，港元未來十年提早部署回歸祖國，點會冇可能發生？共產黨摧毀行之有效嘅制度，歷史上經常出現，香港有一日或者都會身不由己。
中環人都知道，陳總裁好緊張聯滙呢個話題，就算佢前上司任總裁近年「阿吱阿咗」，話港元可以考慮掛鈎人民幣，陳總裁都可以義無反顧反擊，重申現行制度行之有效，金管局有決心、有能力捍衛聯滙。陳總裁係夠薑嘅，但明年就係決定佢是否獲續任嘅關鍵年份，負責揀蟀嘅總裁委員會已經做緊嘢，陳總裁仍然喺list上面。
金融大氣候改變，政治環境左轉，喺呢個政治敏感時刻，敢問陳總裁一句，如果你聞到陣味，有人要你好似任總裁咁，向人民幣表忠，提議研究改革聯滙，讓港元掛鈎人民幣，就可以增加續任機會，你會否仍然有決心、有能力捍衛香港嘅聯滙制度？
程總裁
https://fb.com/IFC89
長青網 - 一站式長者及護老者生活資訊網站
早排本總裁同一位離開咗體制嘅高人飲茶，暢談時事，其中一個話題係聯繫滙率，佢話離開咗金融界先夠膽講，唔係傳到陳總裁耳邊，奪命追魂call都似。
佢話，喺中美新冷戰背景下，香港未來幾年最大風險，就係聯滙脫鈎，「聯滙建立嘅年代，中國經濟高速增長，世界都在講China story，全球資金流入東方，包括香港，逐漸建立龐大嘅美元儲備，呢個係聯滙嘅基石。」
高人繼續說，「但呢個story已經逆轉，美國經濟經歷後金融海嘯年代已經復蘇，反而眾多數據顯示中國經濟長遠現疲態，再加上中美新冷戰處下風，如果拖累到作為中國proxy的香港，逾萬億儲備逐漸流走，未來幾年樓市最大風險，其實係聯滙脫鈎。」
本總裁同意高人說法，亦提到另一個風險，其實係政治環境──香港社會近年赤化，一國兩制褪色，提議港元掛鈎人民幣聲音不絕於耳，喺中美冷戰白熱化情況下，港元未來十年提早部署回歸祖國，點會冇可能發生？共產黨摧毀行之有效嘅制度，歷史上經常出現，香港有一日或者都會身不由己。
中環人都知道，陳總裁好緊張聯滙呢個話題，就算佢前上司任總裁近年「阿吱阿咗」，話港元可以考慮掛鈎人民幣，陳總裁都可以義無反顧反擊，重申現行制度行之有效，金管局有決心、有能力捍衛聯滙。陳總裁係夠薑嘅，但明年就係決定佢是否獲續任嘅關鍵年份，負責揀蟀嘅總裁委員會已經做緊嘢，陳總裁仍然喺list上面。
金融大氣候改變，政治環境左轉，喺呢個政治敏感時刻，敢問陳總裁一句，如果你聞到陣味，有人要你好似任總裁咁，向人民幣表忠，提議研究改革聯滙，讓港元掛鈎人民幣，就可以增加續任機會，你會否仍然有決心、有能力捍衛香港嘅聯滙制度？
程總裁
https://fb.com/IFC89
長青網 - 一站式長者及護老者生活資訊網站
留言 (0)
