梁芷珊：種因得果

【蘋果日報】香港足總前董事梁芷珊（圖）早前多次批評足總不按程序招聘主帥，今加利韋特去職，梁亦於個人社交網站轉發其辭呈公告，並直指「種因得果」。
早於加利韋特上任前，梁已批評足總「隻手遮天，程序全錯太離譜」，但她強調自己矛頭指向招聘程序，並非不滿加利韋特，並期待與他會面。昨足總公佈加利韋特辭職後，梁即於個人社交網站發帖，直斥足總不循程序，自招苦吃，「種因得果！呢個就係點解我堅持要按照程序，唔可以畀一個職員隻手遮天，遴選小組同董事會嘅責任係監察，成班人坐喺度開會唔係做緊監察，淨係舉手通過，結果咪係咁囉，攞個咁重要嘅職位，為人鋪踏腳石。一個機構如果係咁嘅管理及行政思維，係唔會搵到好嘅人合作，亦都唔會有人可以長期合作」。
陳肇麒轟騎牛搵馬
梁傍晚向《蘋果》表示，港足前主教練金判坤去年12月離隊，至加利韋特今年9月上任期間，港足主教練懸空大半年；至加利韋特上任後「揀球員都揀得好大膽」，新組合磨合數個月又逢變動，球員要重新適應，「新教練唔知幾時上任，亦唔知會唔會揀返同一批球員，尤其對核心球員嚟講，係幾無所適從」。
香港飛馬隊長陳肇麒同感不滿，他於個人社交專頁中直斥加利韋特「騎牛搵馬」：「話黎（嚟）就黎（嚟），話走就走？又話die for HK？騎牛搵馬最叻係你！」
■記者洪量丰
長青網 - 一站式長者及護老者生活資訊網站