當局拒設支援中心　「受害人唔夠多」

【蘋果日報】風雨蘭指出，過去不同團體一直倡議應在醫院為性暴力受害者設立危機支援中心，以減低在求助過程中的二度傷害，又指亞洲其他地區已有類似中心，香港若要增設應不是難事。惟當局往往只看性暴力數字決定是否成立中心，令建議不獲重視。
台灣大馬已有一站式支援
現時，性侵受害者若選擇報警求助，需要奔波於不同的警局及醫院，多次覆述案發過程，對求助者會造成多重傷害。風雨蘭中心主任伍頴琳指，若在公營醫院增設危機支援中心，「可以畀到求助者一個穩定同埋有私隱嘅地方去完成所須嘅報警程序，例如錄口供、法醫檢查、身體檢查，對於佢哋嚟講個二度創傷會減少」。伍頴琳表示，現時處理性侵案件是以專業人士為中心，「要受害人去唔同嘅部門搵警察、醫生、法醫，我哋希望一站式嘅模式係以報案人為中心，所需嘅專業人員去到同一個地點去採證同錄口供」。
風雨蘭過去一直倡議在醫院為性暴力受害者設立危機支援中心，「但過去好似就係覺得性暴力受害人數字唔夠多，我哋倡議時都會俾人問一年有幾多受害人，好多時都係睇數字，咁樣受害人嘅聲音就好容易被忽略，正正因為性暴力唔係好容易走出嚟講，好似無乜聲音，但唔代表佢哋無需要」。
伍頴琳又指，台灣及馬來西亞已有類似的一站式支援中心，「其實要設立唔係一件好難嘅事，只要喺公立醫院搵一個地方，將性暴力案件所需要嘅程序同設備放喺同一個地方，就已經可以做到」。
■記者李雨夢
長青網 - 一站式長者及護老者生活資訊網站