地攤檔主捲車底奇蹟輕傷

【蘋果日報】保母車鏟上行人路一刻速度甚快，現場途人均來不及反應，有長者不幸被輾斃，亦有人與死神擦身而過。有店員稱步過熙和街僅兩、三步之遙，保母車便於身後高速衝過，亦有地攤檔主被捲入車底，卻幸運地僅擦傷頭、鼻，大難不死。
鞋舖店員差兩步中招
熙和街為英皇道一條橫街，有不少舊地攤擺賣。梁伯當時在路邊擺賣家品，未及反應便被突然衝上行人路的保母車撞倒，當時他被壓在車底，頭、鼻流血，右腳受傷，幸意識清醒。他說：「架車衝落嚟好快，唔見有司機，我捲咗入車底，靠自己爬出嚟呀！」
在鄰近鞋舖工作的店員陳先生指，事發時在外如廁後折返，僅越過熙和街兩至三步，身後便傳來巨響，轉身已見保母車直衝上行人路，「架車係咁衝落嚟，冇響號，好似失控咁撞低好多人，嗰度有檔口賣嘢，平時好多人，有啲人喺度揀嘢就咁被撞低！」他估計事件傷亡慘重，事後已不敢再回頭細看現場慘況。
至於在長康街被保母車擦撞的的士司機吳先生，憶述駕駛空載的士期間突被保母車從後撞上，導致倒後鏡損毀及左車身刮花，未幾再看到一名男子被輾過倒地重創，當時尚未知對方身份是司機抑或途人，「佢有反應，嗌佢仲郁得，但神志唔係好清醒，我哋都有叫佢頂住」。他目睹保母車鏟上行人路撞人，對事件猶有餘悸，「（刮花車身）呢啲唔緊要呀，最緊要個人冇事咋」。
另外，姓孫車長駕駛電車沿英皇道東行，電車駛至時已經發生車禍，惟有停車等待警方調查。他形容現場「有人瞓喺地上，車底起碼有四、五人」。
■記者詹家志
長青網 - 一站式長者及護老者生活資訊網站