新聞類別
財經
詳情#
【蘋果日報】太古A（019）與太古地產（1972）新任主席施銘倫（Merlin Swire）今年7月正式上任，以往太古大股東施懷雅家族嘅成員主要係上市公司非執董，有咁低調得咁低調，如今施銘倫擔任主席，冇得再低調。
趁住聖誕快到，太古噚晚搞咗場小型酒會，畀新主席首度見下傳媒，實習一下。見佢相當從容，簡單介紹各項業務近況，最困難當然係洩漏客戶資料嘅國泰（293）喇，都算佢夠坦白喇！佢又話，唔會做上市公司主席做一世，嚟緊主要幫集團，搞好中港兩地嘅夥伴關係。
佢1997年加入集團，曾任可口可樂上海總經理，同埋廈門太古飛機工程行政總裁，問佢識唔識講普通話，佢即場用普通話講咗幾句。睇嚟搵佢同中方搞關係，應該都ok，起碼唔係雞同鴨講。
施銘倫係施懷雅家族第六代傳人，唔少名門之後都鍾意收藏藝術品，喺牛津讀古典學嘅施銘倫都鍾意收藏，但就偏愛古希臘錢幣，暫時儲落30個左右，佢話唔值錢㗎喎。
李華華
LiWaWa@AppleDaily.com
長青網 - 一站式長者及護老者生活資訊網站
趁住聖誕快到，太古噚晚搞咗場小型酒會，畀新主席首度見下傳媒，實習一下。見佢相當從容，簡單介紹各項業務近況，最困難當然係洩漏客戶資料嘅國泰（293）喇，都算佢夠坦白喇！佢又話，唔會做上市公司主席做一世，嚟緊主要幫集團，搞好中港兩地嘅夥伴關係。
佢1997年加入集團，曾任可口可樂上海總經理，同埋廈門太古飛機工程行政總裁，問佢識唔識講普通話，佢即場用普通話講咗幾句。睇嚟搵佢同中方搞關係，應該都ok，起碼唔係雞同鴨講。
施銘倫係施懷雅家族第六代傳人，唔少名門之後都鍾意收藏藝術品，喺牛津讀古典學嘅施銘倫都鍾意收藏，但就偏愛古希臘錢幣，暫時儲落30個左右，佢話唔值錢㗎喎。
李華華
LiWaWa@AppleDaily.com
長青網 - 一站式長者及護老者生活資訊網站
留言 (0)
