清潔工嫌劏房貴退租「第一晚做難民想跳樓」

【蘋果日報】深水埗一間通宵營業麥當勞是「高佬」的家，57歲的他自言曾經風光，在內地開工廠，但其後生意失敗又染上賭癮，輸光500萬身家，最後回流香港由老闆變清潔工住劏房，近年租金狂升下發現「瞓麥記」更划算，四個月前加入麥難民行列。
他坦言：「坐坐吓就唔想交租，前排我都勸個20零歲後生仔有能力就要租房，因為呢度好容易養懶人。」
曾內地開工廠至今仍交稅
高佬衣着光鮮，頭髮梳理整齊，靜坐麥記一角，看着手機播放的電影，記者上前詢問：「你係咪瞓麥當勞？」他出人意表地爽快承認：「係！」他願意受訪，底線是絕不可拍攝其樣貌，他憶述：「第一晚做麥難民時，內心真係不停咁喊；自己真係好折墮！嗰晚有諗過自殺，想跳樓，去過樓頂，但望落去冇勇氣跳落去。」
高佬身高1.8米，直言「選擇喺麥當勞瞓，因為有瓦遮頭，公園有蚊咬，又有閉路電視安全啲」，「我依家都有交稅，但屬於N無人士，依家去體育館沖涼算係唯一攞嘅政府福利」。
生於大家庭，高佬於九姊弟中排行第八，「當年預科成績可以讀中大，但屋企窮，冇錢交學費」。畢業後便做風筒工廠的品質檢查員，之後轉做鐘錶學徒。
儲錢數年後，與朋友合資到深圳開手錶配件廠，可是晚晚應酬酒色財氣下，跟香港妻子離婚。「樓呀車呀，仔女撫養權歸女方。
1989年六四事件後，外國制裁下工廠定單暴減，終在1992年執笠，家庭破裂又好賭欠債，用僅餘積蓄到澳門放數卻被走數蝕光，高佬最終回港住劏房，在清潔公司工作，月入13,000元。可是其後業主瘋狂加租，今年7月租金加至5,500元，他認為太貴不再續租，寄身麥當勞。
談到未來，他希望可找到合理租金的劏房脫離麥難民行列，重新上樓。
■記者林熊
長青網 - 一站式長者及護老者生活資訊網站