退休體育教師術後當晚可步行

【蘋果日報】「除咗傷口有少少囉囉攣唔舒服之外，都無乜痛過，覺得好神奇」。68歲的黃先生（Ronnie），2010年退休後出現膝頭痛，上落樓梯因痛楚而受影響，求醫後確診退化性關節炎，至2016年因病情轉差到公立醫院排期做換骹手術，但竟要預約至2025年。
花26萬早七年做手術
「唔可以企超過15分鐘，搭地鐵一定要坐，行路唔可以超過20分鐘」，由於病情越來越嚴重，他決定自費26萬元到私家醫院做手術。今年10月底進行雙膝人工關節置換手術，術後當晚已能用輔助架步行，留院六日出院。
退休前任職體育教師的Ronnie表示，關節炎令雙腿呈O形，更影響最愛的打籃球運動，「只可以企喺度，唔夠人就落場幫手傳波，都唔可以真係打籃球」。早前一次旅行，因為趕飛機要快步行走，結果痛楚大增，決心即使自費也要提早做手術，回復生活質素。不過，由於他的爸爸20多年前曾換雙膝關節，弟弟半年前亦在外地換了單膝關節，二人均稱手術後會「痛到叫救命」，更要卧床三日才能下床，令他手術前非常擔心。
幸在醫院康復安排下，包括術前約一個月開始做腳部運動，加強肌肉強度，以及止痛藥的更佳應用等，Ronnie指手術後幾乎沒有痛楚，更於術後當晚已可落床用輔助架步行，加上物理治療等，現時他評雙腳已回復「100分」水平，「不再O形腳，可以拍得埋，仲高咗一吋」。
■記者嚴敏慧
長青網 - 一站式長者及護老者生活資訊網站