中環在線：歐達禮講明睇實新股保薦人

【蘋果日報】證監會行政總裁歐達禮琴日就去咗證券及投資學會度演講，離不開數吓過去一年幾以嚟，實行前置式監管係「新常態」，成功解決好多官僚問題，執法工作有效率，同港交所分工更明確，總裁話實情係「比預期更有收穫」。
佢有提到，有啲新股保薦人經手IPO申請經常被拒絕，證監會「辨識」佢哋，或會展開調查，佢強調，即使保薦人撤回呢啲上市申請，證監同樣有得查，事實係現時已經有幾個case記錄在案喇。查實證監已經唔只一次公開話會睇緊保薦人，話佢哋工作質素參差，due dilligence做得求求其其，有待改善呀。
歐達禮又將香港賣點歸功於同中國內地監管機構的獨特關係，即使有聲音覺得滬倫通開通係咪會改變香港地位呢？佢話睇唔到有任何其他地方可以同香港一較長短。
LiWaWa@AppleDaily.com
證監,歐達禮