新聞類別
娛樂
詳情#
【蘋果日報】岑寧兒一連兩場「Nothing Is Under Control Live 2018」前晚在旺角麥花臣場館圓滿落幕，整晚演出達到水準，但歌與歌之間卻不時發出咳嗽聲，要不斷飲水，她對觀眾說：「大家唔好緊張，我成日飲好多水，天氣又冷又熱，有少少唔舒服。」隨後準備唱出盧凱彤（Ellen）編曲的《空隙》前，台上樂手和伴唱先退場，舞台燈光轉暗，只有一盞藍燈，銀幕現出「Good Night, My Dear」。岑寧兒在昏暗環境下唱出《空隙》，伴奏是Ellen生前為此曲彈奏的結他錄音。林二汶緊接上台合唱《銀髮白》，與岑寧兒深情演繹，唱罷再來一個擁抱，一切盡在不言中。
父母玩得投入
臨近尾聲時，岑寧兒說：「相比起六年前同三年前嘅騷，今次有啲唔同，因為我個人大咗，其實好想講，我哋好多嘢係nothing is under control，但唔代表everything can be OKay，正如好似夜晚，究竟黑夜有幾長呢？但係大家只要相信太陽係會出嚟嘅，一定會有天光，正如我想唱以下呢首歌叫《信望愛》，希望大家仍然相信有希望，當大家失意時，就要記起呢首歌，大家總會有希望。」現場拋出九個巨型氣球，岑寧兒的父母岑建勳和劉天蘭更是玩得投入。完場後觀眾不肯離開，結果岑寧兒再出場，清唱一曲《Smile》作結。
上星期發緊燒
完騷後，岑寧兒受訪時提到抱恙演出：「上個禮拜仲發緊燒，人哋騷前做運動，我就不停瞓，試過瞓二十個鐘，只可以用瞓覺嚟加速個病痊癒。」談及選唱Ellen伴奏版的《空隙》，她說：「佢彈㗎嘛！嗰個係佢嘅錄音，rehearsal唱唔到，因為覺得佢唔喺度，後尾轉個心態，其實佢喺呢度，咁就唱到，好似可以再同佢一齊表演咁。」岑寧兒又提到和林二汶深情擁抱：「其實每次佢喺度，我就再安心啲，我好珍惜每一次同佢一齊唱歌嘅機會，難得嘅好朋友又夾到，大家有合唱歌，可以一齊唱。」
採訪：馬建華
攝影：林賓尼
父母玩得投入
臨近尾聲時，岑寧兒說：「相比起六年前同三年前嘅騷，今次有啲唔同，因為我個人大咗，其實好想講，我哋好多嘢係nothing is under control，但唔代表everything can be OKay，正如好似夜晚，究竟黑夜有幾長呢？但係大家只要相信太陽係會出嚟嘅，一定會有天光，正如我想唱以下呢首歌叫《信望愛》，希望大家仍然相信有希望，當大家失意時，就要記起呢首歌，大家總會有希望。」現場拋出九個巨型氣球，岑寧兒的父母岑建勳和劉天蘭更是玩得投入。完場後觀眾不肯離開，結果岑寧兒再出場，清唱一曲《Smile》作結。
上星期發緊燒
完騷後，岑寧兒受訪時提到抱恙演出：「上個禮拜仲發緊燒，人哋騷前做運動，我就不停瞓，試過瞓二十個鐘，只可以用瞓覺嚟加速個病痊癒。」談及選唱Ellen伴奏版的《空隙》，她說：「佢彈㗎嘛！嗰個係佢嘅錄音，rehearsal唱唔到，因為覺得佢唔喺度，後尾轉個心態，其實佢喺呢度，咁就唱到，好似可以再同佢一齊表演咁。」岑寧兒又提到和林二汶深情擁抱：「其實每次佢喺度，我就再安心啲，我好珍惜每一次同佢一齊唱歌嘅機會，難得嘅好朋友又夾到，大家有合唱歌，可以一齊唱。」
採訪：馬建華
攝影：林賓尼
回應 (0)
