新聞類別
財經
詳情#
【蘋果日報】科技冷戰浮上水面，市場更有條件喺全無顯著反彈之下，直接跌入嚴重超賣範圍。根據EPFR Global數據，之前一星期科技股基金贖回金額15億美金，係2015年2月以來最高。資金繼續泊去Coca Cola, Johnson and Johnson，跌嘅科技股跌得快，升嘅股又升得慢，反映基金勉強搵避風港泊岸嘅取態，繼續輪動式熊市玩法。
輪動式熊市嘅形成，某程度上係因為資金暫時尚算充裕，沽貨主題因應不利消息同基本因素而變化，同一時間形成強弱勢股份板塊。一係強股佔少數、弱股佔多數，唔係就弱股跌得多、升股升得少，不斷輪迴。
美國科技股未見止跌迹象，亦難期望「習特會」令局面扭轉，贖回潮似乎短期內未完。值得留意嘅係，美國發動科技冷戰之際，有傳聞話加息周期去到明年春季就完結，亦有聯儲局副主席克拉里達講到，利率已經接近中性水平。唔通加息就嚟會停？於是特朗普先放心繼續出招？好嘅方面睇，如果資金繼續寬鬆，當股市嚴重超賣過後，某個時間點開始，不排除會出現一個輪流式反彈浪。好似講得遠咗啲，都係繼續wait and see。
晉佳
http://fb.com/advanceguy1
本欄逢周一、三、五刊出
輪動式熊市嘅形成，某程度上係因為資金暫時尚算充裕，沽貨主題因應不利消息同基本因素而變化，同一時間形成強弱勢股份板塊。一係強股佔少數、弱股佔多數，唔係就弱股跌得多、升股升得少，不斷輪迴。
美國科技股未見止跌迹象，亦難期望「習特會」令局面扭轉，贖回潮似乎短期內未完。值得留意嘅係，美國發動科技冷戰之際，有傳聞話加息周期去到明年春季就完結，亦有聯儲局副主席克拉里達講到，利率已經接近中性水平。唔通加息就嚟會停？於是特朗普先放心繼續出招？好嘅方面睇，如果資金繼續寬鬆，當股市嚴重超賣過後，某個時間點開始，不排除會出現一個輪流式反彈浪。好似講得遠咗啲，都係繼續wait and see。
晉佳
http://fb.com/advanceguy1
本欄逢周一、三、五刊出
留言 (0)
