愧疚未能與年輕人扣連

【蘋果日報】在政壇打滾大半生的李卓人早前在一段選舉宣傳短片「懺悔」，自言有成功過，有失敗過，有對過，也有錯過。他受訪時坦言政途上最感愧疚的是他一代人竟與年輕一代失去扣連，「問我輸過乜？我真係好擔心輸咗一代人嘅信心」。
要老中青全投李卓人，反對理由一大堆，因他是左膠、大中華膠；亦有人批評他多年爭取一事無成，要數最亮麗戰績或是落實最低工資，但李卓人清楚這些都不中年輕人紅心，「年輕人（追求）嗰個唔係議題嘅贏輸，年輕人係覺得好似香港越嚟越冇希望，我覺得我自己未能夠令到年輕人、我哋一代人未可以扣連到下一代一齊去抗爭，我係覺得好愧疚」。他說今次選舉特別着重競選團隊內的年輕人意見，「佢哋同返年輕人講，好過純粹我用返我自己思維，我都學習緊點樣令到（與年輕人）扣連更加好」。
一生最在乎團結
面對北京一道道紅線壓境，「民主派輸即係中共贏」已成疑問，為選民重建希望才是難題，李卓人說答案就是他一生，如何在成功爭取和願望落空之間與無力感作戰，「八九民運明年30周年，我一生又可以話我都搞唔掂共產黨」；但是再以八九民運為例，「好多人同我講（劉曉波遺孀）劉霞出到嚟好開心，點解劉霞出到嚟？因為我哋未心死啊嘛！」
一生投入動員、組織的李最在乎「團結」二字，上周的造勢大會令他感動不已，哽咽說：「無論去到馬丁（李柱銘）元老級，去到（黃）之鋒， N代人都係企喺度，我係非常非常感動，好感恩無論場仗結果係點樣，我諗我一生人想做係香港社會運動，公民社會大團結」。
■記者梁穎妍