市場轉勢　收樓加速　銀主盤明年恐倍增　嘉湖狠劈「兩球」求售

【蘋果日報】【周末專題】踏入11月，樓價跌勢轉急，部份屋苑如天水圍嘉湖山莊更呈「山泥傾瀉式」冧價，兩房由今年7月高位588萬元，大跌29%至近期低位418萬元。樓價跌及銀行估價回落，負資產或重現。事實上，近期銀主盤有回升迹象，最新數字顯示，目前全港銀主盤存量增至73伙，升至過去9個月高位。
記者：朱連峰
嘉湖山莊已有銀主盤狠劈求售。消息指麗湖居1座B室頂層複式連天台特色戶，實用1,407方呎，去年7月淪銀主盤，開價1,400萬元，至今年6月，銀主心雄加價「兩球」至1,600萬元。不過，銀主本月初已靜悄悄將叫價還原1,400萬元，呎價9,950元。
從事物業拍賣41年、世紀21測量行董事蔡漢陛形容以前的銀主盤是「鐵板塊」，「（叫價）話咁多就咁多」，但近期態度明顯軟化，由冇價講變成有商有量，部份銀行出貨意欲高，甚至減價求售。如馬鞍山帝琴灣凱琴居11座一個複式單位，銀主原叫價3,130萬元，上月底已減價230萬至2,900萬元，減幅7.3%。
貴價樓屬重災區
該行統計，截至今年10月，全港銀主盤存量增加73伙，較9月65伙略為增加一成，為今年1月錄得93伙銀主盤後的新高。
蔡表示，現時銀主盤80%是住宅，細價樓佔三成，樓價1,000萬元以上貴價樓屬重災區，佔七成。他解釋，民生住宅自住居多，但如果是一千萬、三千萬的物業，業主可能同時擁有幾間物業，若本身經濟出現問題，其中一間就不要，簽份「投降書」畀銀行收樓，淪銀主盤。
蔡表示，一個單位由斷供到淪為銀主盤，需時6至9個月。香港今年9月加息，之後爆貿易戰，引發股市急跌，其後樓價急回落。他以9月為轉角市起點，推算銀主盤湧現期應會於明年首季出現，即距離現在最多四個月。被問到銀主盤湧現數量，蔡說，「我估會多少少，但好似97年五千幾個就不會出現」，因為香港銀行非常穩健，而銀行壓力測試亦越見頻密，借貸亦保守，有時更會睇借貸人全家總收入，未來銀主盤有機會回升至百多、二百伙。
蔡也感到近期銀行收樓快了，可能見到市場出現變化。以前借貸人欠供樓半年或三個月以上，「銀行都會畀吓面嘅，畀時間籌錢，現時少咗呢個商議手續，收樓快咗」。他從土地註冊處登記資料觀察，業主貨變銀主貨時間縮短了，現時大約半年就完成收樓，「以前見過（收樓）年零兩年都有」，比較寬鬆，現時就收緊了，當然每間銀行作風也不同。
不過，蔡認為銀行講求成本及視乎債仔負債，銀主盤未必會大劈價，若放售一段時間仍無人問津，會先加佣，後減價。