新聞類別
財經
詳情#
【蘋果日報】過兩日就係美國感恩節，標誌住聖誕購物開鑼，商戶經過呢日促銷，翌日賬簿已可由赤字變黑字，是為Black Friday；到星期一，大家返工仍會上網購物，造成網購高峯，是為Cyber Monday。美國投資者好睇重呢兩日，會贒實消費股。
講開消費股，不得不提兩大投資名宿畢菲特同索羅斯，剛披露嘅第三季持倉，股神同大鱷對着幹咁款！
畢菲特大手減倉必需消費品股（-3%），加倉金融股（+2.3%）、科技股（+2.6%）；索羅斯則大手加倉必需消費品股（+6.4%），減倉金融股（-6.4%）、科技股（-4.8%）。
畢菲特減持具防守性嘅必需消費品股，增持金融股，擺明押注美國經濟走強、息率向上，銀行作為百業之母，終歸得益。
相反，索羅斯減持金融股，增持必需消費品股，則係押注美國經濟走弱。不過，索羅斯嘅認沽期權亦由14%縮到3%，睇嚟佢唔係造淡，只係倉位轉向防守。
當前世界第一同第二大經濟體互徵關稅，梗係拖緊環球經濟後腿。本來中美首腦拍板月尾喺G20峯會見面，貿易戰有望緩和，點知早日喺APEC峯會，中美竟然趁演說時互片。貿易戰變數多，難怪大鱷縮注。
睇返股神持倉，十大重倉股中，半數係銀行股。想跟股神搵食，香港上市嘅銀行股有冇得諗？香港跟隨美國踏入加息周期，銀行理應受惠淨息差擴闊，不過，加息亦令樓市回落，本地銀行倚重樓按，生意難免受損。
美國聯儲局副主席放鴿，加息預期降溫，利率期貨顯示，12月加息機會降至66%，中港股市周一分別反彈0.9%同0.7%。樓按三甲銀行——滙控（005）、中銀（2388）、恒生（011）之中，中銀連開六支陽燭，走勢改善，若大市靠穩，可望回試下跌裂口阻力32至33元。
割柑人
本欄逢周二刊出
講開消費股，不得不提兩大投資名宿畢菲特同索羅斯，剛披露嘅第三季持倉，股神同大鱷對着幹咁款！
畢菲特大手減倉必需消費品股（-3%），加倉金融股（+2.3%）、科技股（+2.6%）；索羅斯則大手加倉必需消費品股（+6.4%），減倉金融股（-6.4%）、科技股（-4.8%）。
畢菲特減持具防守性嘅必需消費品股，增持金融股，擺明押注美國經濟走強、息率向上，銀行作為百業之母，終歸得益。
相反，索羅斯減持金融股，增持必需消費品股，則係押注美國經濟走弱。不過，索羅斯嘅認沽期權亦由14%縮到3%，睇嚟佢唔係造淡，只係倉位轉向防守。
當前世界第一同第二大經濟體互徵關稅，梗係拖緊環球經濟後腿。本來中美首腦拍板月尾喺G20峯會見面，貿易戰有望緩和，點知早日喺APEC峯會，中美竟然趁演說時互片。貿易戰變數多，難怪大鱷縮注。
睇返股神持倉，十大重倉股中，半數係銀行股。想跟股神搵食，香港上市嘅銀行股有冇得諗？香港跟隨美國踏入加息周期，銀行理應受惠淨息差擴闊，不過，加息亦令樓市回落，本地銀行倚重樓按，生意難免受損。
美國聯儲局副主席放鴿，加息預期降溫，利率期貨顯示，12月加息機會降至66%，中港股市周一分別反彈0.9%同0.7%。樓按三甲銀行——滙控（005）、中銀（2388）、恒生（011）之中，中銀連開六支陽燭，走勢改善，若大市靠穩，可望回試下跌裂口阻力32至33元。
割柑人
本欄逢周二刊出
留言 (0)
