西營盤站外逾百舖無人租

【蘋果日報】港鐵西營盤站於2015年通車，區內的長春社文化古蹟資源中心，曾每隔3個月統計西營盤一帶逾700個舖位的轉變，結果發現在2015年頭與年尾相比，有137間店即近兩成出現丟空或更替情況。
「仲靜過堅尼地城」
有曬相舖東主慨嘆，港鐵通車後人流反跌，業主卻加租，惟有無奈結業。新開業餐廳的老闆曾預留一半座位給無訂位的客人，但結果全晚只有訂位客，完全沒有客人walk in光顧。
該機構2017年3月再次統計，發現整個西營盤有121間吉舖，大部份竟集中在港鐵站出口。利嘉閣（工商舖）地產聯席董事林彥釗分析稱，業主以一千多萬元買舖，預期港鐵通車後能升值兩至三倍，租金亦相應提高，但人流不似預期，「一加租，租客就起身，加上上年市況差」。
不過他指業主已面對現實，一間1,000呎舖原租4萬，加至8萬成為吉舖，現租金已回落到5至6萬，「其實西營盤仲靜過堅尼地城，原本做補習社既舖轉咗做食肆，租金先升到。第一、二街近港鐵站，但因為帶唔到人流入嚟，所以唔大改變，繼續係舊區。高街、第三街離港鐵站較遠，近西半山豪宅區，轉做酒吧街會有生意，但其實都唔旺，只係因為租金平先做到」。