太太愛買樓「賺錢多過我」

【蘋果日報】長原彰弘多年來經營財務生意，已經貴為城中富豪級人物，不過他笑說長原太太賺錢比他還要多，不是靠做生意，而是靠投資香港樓。
有錢會給老婆
「我都有投資股票，但其實最賺錢係我太太。」他說多年來有錢就會給老婆，而老婆一路買樓，查實長原彰弘來港多年，1982年才以100萬元買入賽西湖大廈正式成為業主，「到1986年升到600萬元，我就放咗佢，太太再買陽明山莊，佢有錢就會買樓。」
他笑言多年來投資不算賺好多錢，太太反而更厲害，「樓升值好犀利，我十幾年前3,000幾萬買山頂屋，現在真係無價嘅，我隔籬間屋幾年前已經賣5億幾。」他又笑言，「（太太）睇到呢啲就話買，我問錢呢？佢話買咗喇，山頂間屋又買咗，1.3億喎，我要籌錢啊，哈哈哈。」長原太太實際是樓市大贏家，連丈夫亦坦言「佢真係賺好多錢」。