街坊「搵食」排長龍　勢出走避難

【蘋果日報】「呢個禮拜六、日要離開東涌避難，走去中環，上環！」過去兩星期大批內地旅客突襲東涌，搶購奶粉藥品之餘，街坊嘆稱「搵食」從未如此艱難。老街坊徐伯（圖）上周日為買飯盒苦不堪言，皆因食肆「間間排長龍」，最終他花了一小時行勻邨內五間食店，才能買到一盒油雞飯。他指「東涌從未試過咁多人」，擔心今明兩天又無啖好食，揚言要出走避難。
買飯盒花一小時
75歲的逸東邨居民徐伯表示，周日會乘車去富東邨食午飯，順便到東薈城買日用品，他上周日下午1時許乘車去到富東邨，已見四處是戴紅帽和白帽內地旅客，至少數千人，場面墟冚。眼見人多打算買個外賣飯盒算吧，他先去平日幫襯的民華餐廳打算買24元燒味飯，但當時店內滿座，店外有70人排隊，隔鄰包點店亦有50人，等了10多分鐘決定放棄轉攻樓上大家樂。
可是大家樂亦有60人排隊，他決定「食好啲」幫襯收費較貴的翠華餐廳，可是翠華亦有30多人排隊，最終決定放棄。至下午近2時，他終於在富東邨連接東薈城的行人天橋，找到一間無人排隊中式食店，立刻買了一個40元油雞飯，匆匆到附近空地吃飯，他指平日買飯只需15分鐘，今次花了一個鐘，是入住東涌15年來第一次。
徐伯指平日大批內地旅客由皇崗到東薈城購物，近日大橋通車後更多內地旅客湧至，他指摘當局失職：「一日放兩萬人嚟東涌，佢哋去邊度食飯呀？」
徐伯表示擔心明日星期日又無啖好食，打算出走，「佢哋嚟東涌，東涌人就走出去」，「打算去中環，上環，人少啲，買飯盒都易啲，總之離開東涌避難」。至於何時回家，他早有盤算，「8點過後啦，等內地人疏散之後至返東涌」。
■記者林穎嵐、麥超億