新聞類別
財經
詳情#
【蘋果日報】私人銀行家陸庭龍（Alan），打煲呔的歷史不算長，只有約四年，但現在已到了幾乎天天上班天天打的「人煲合一」境界；打煲初衷，倒不是為貪靚有型扮紳士，反而與他交易員出身的DNA一樣，講求實際不易弄污。為人心急、說話快、行路快、食嘢論盡的Alan，有天忽發奇想：「咦，打煲呔好喎，因為（比領呔）較短。」這霎時靈感成就了「煲呔Luk」造型的自然風。
由30多年前呔都少打，捲起衫袖落盤快手的交易員歲月；到廿多年前升任盤房主管及司庫，開始經常打呔在中環游走見客；到10年前華麗轉身投向私銀界服務「有米」客戶；幾年前再「棄呔從煲」新形象示人，他感恩一路走來順心隨意。
這條「少打呔到打煲呔」之路，如果是人生職場寫照，那麼他的哲學就是：順勢而為適時而變，無心插柳但慶幸開花結果。
舉凡試新，開頭少不免顧慮，恒生銀行（011）私人銀行及信託服務主管陸庭龍也不例外。
「人哋會唔會覺得你扮嘢？想扮老細？」但人生走一回何妨瀟灑坦蕩，「打打吓都覺得幾match自己形象，唔會畀人有扮嘢感覺……從容啲，表現到自信。」現在不打煲呔上班，同事反而「好奇點解你今日唔打」。
人到中年 難再激情打拼
近35年金融業生涯，他說三分二時間在炒房中度過，年輕時激情打拼滿足感爆燈，但人到中年「咁刺激」就變超磅負荷，要轉型細水長流。
「等你年紀越來越大，反應越來越慢，呢種生活對你嚟講漸漸變成一種壓力。」盤房工作太久亦會催化個人英雄主義，「唔輸得下下睇得失好重」。故交易員生命有期，40多歲就會轉做盤房主管，要不轉行。
猶如煲呔史，也是平實演化過程。煲呔源起17世紀克羅地亞僱傭兵，方便上戰場時繫緊領口的一條絲帶，「分分鐘仲要用嚟綁埋口止血都唔奇」，絲帶漸漸流向法國傳入歐陸，變成貴族時尚的煲呔。
澳門度假 巧遇煲呔小店
陸庭龍指「年紀大咗唔知係咪論盡咗」，進食時經常弄污領呔，有一天突萌念頭何不轉打煲呔，既方便打理又能配搭隆重場合；煲呔用料較少壽命長，亦符合環保角度。
Alan與煲呔結緣，是澳門度假時一個歷史建築旁小店的巧遇。「入面居然全部都係賣煲呔」，原來是建築師王偉旭《Weixu Wang》品牌設計。「佢啲煲呔製作比一般坊間較立體」，款式物料都有獨到之處，他購下了藍線格仔的人生第一煲，至今仍然使用。
情傾煲呔的王偉旭，最後放棄本業轉投配飾設計，將業餘興趣發展為事業，無心插柳成就另一番風光。
順勢而為，適時而變，做人做事打扮配襯，是一椿大學問。唔襯，可以係一場災難；襯，則化成一種風格、一份從容，總要經過一番歷練。
記者：劉美儀
攝影：譚德潤
由30多年前呔都少打，捲起衫袖落盤快手的交易員歲月；到廿多年前升任盤房主管及司庫，開始經常打呔在中環游走見客；到10年前華麗轉身投向私銀界服務「有米」客戶；幾年前再「棄呔從煲」新形象示人，他感恩一路走來順心隨意。
這條「少打呔到打煲呔」之路，如果是人生職場寫照，那麼他的哲學就是：順勢而為適時而變，無心插柳但慶幸開花結果。
舉凡試新，開頭少不免顧慮，恒生銀行（011）私人銀行及信託服務主管陸庭龍也不例外。
「人哋會唔會覺得你扮嘢？想扮老細？」但人生走一回何妨瀟灑坦蕩，「打打吓都覺得幾match自己形象，唔會畀人有扮嘢感覺……從容啲，表現到自信。」現在不打煲呔上班，同事反而「好奇點解你今日唔打」。
人到中年 難再激情打拼
近35年金融業生涯，他說三分二時間在炒房中度過，年輕時激情打拼滿足感爆燈，但人到中年「咁刺激」就變超磅負荷，要轉型細水長流。
「等你年紀越來越大，反應越來越慢，呢種生活對你嚟講漸漸變成一種壓力。」盤房工作太久亦會催化個人英雄主義，「唔輸得下下睇得失好重」。故交易員生命有期，40多歲就會轉做盤房主管，要不轉行。
猶如煲呔史，也是平實演化過程。煲呔源起17世紀克羅地亞僱傭兵，方便上戰場時繫緊領口的一條絲帶，「分分鐘仲要用嚟綁埋口止血都唔奇」，絲帶漸漸流向法國傳入歐陸，變成貴族時尚的煲呔。
澳門度假 巧遇煲呔小店
陸庭龍指「年紀大咗唔知係咪論盡咗」，進食時經常弄污領呔，有一天突萌念頭何不轉打煲呔，既方便打理又能配搭隆重場合；煲呔用料較少壽命長，亦符合環保角度。
Alan與煲呔結緣，是澳門度假時一個歷史建築旁小店的巧遇。「入面居然全部都係賣煲呔」，原來是建築師王偉旭《Weixu Wang》品牌設計。「佢啲煲呔製作比一般坊間較立體」，款式物料都有獨到之處，他購下了藍線格仔的人生第一煲，至今仍然使用。
情傾煲呔的王偉旭，最後放棄本業轉投配飾設計，將業餘興趣發展為事業，無心插柳成就另一番風光。
順勢而為，適時而變，做人做事打扮配襯，是一椿大學問。唔襯，可以係一場災難；襯，則化成一種風格、一份從容，總要經過一番歷練。
記者：劉美儀
攝影：譚德潤
留言 (0)
