幕後功臣　出錢邀來港證人氣

【蘋果日報】黑男專程來港，幕後的功臣是港人Keith（謝洋雨）出錢出力邀請。無正職的他坦言無打算出錢，開始只想聯絡商場及牌子贊助，但他們「寸」着說黑男無人識，激起他的儍勁，與各牌子「鬥氣」，親自出錢證明黑男在香港人氣。
黑男被寸無人識
黑男身上有的是勇氣，Keith身上有的是儍勁。他本來只是粉絲，得悉黑男壞了器材，二話不說送了五萬台幣（約1.27萬港元）拍攝器材給他，順道見見面。他說：「過到去理論上佢應該要招待吓我，佢竟然叫我拎部新機做佢助理拍佢配對。我心裏鬧咗佢好多次，但諗住好輕鬆，於是答應幫佢手。」結果一做就是幾天，他被黑男的追夢勇氣感動，加上他知道「黑男喺細路仔心中係好偶像」，想他作一些歌給學生唱，於是邀請他來香港。
Keith當初想聯絡商場及牌子贊助活動，但寫了四頁建議書，換來只被他們暗寸拒絕，指「黑男無人識，無咁嘅榮幸參與這個『驚人』的合作計劃」，於是他決定不等了。他當時正是鬥氣：「我知道唔喺咁樣，我調返轉，證明佢係有人追。」他又說：「黑男只是一味向前衝，周圍很多人被佢魅力折服無條件想幫佢，佢喺東區無地方落腳，有cafe借位比佢坐；佢無地方擺嘢，有果汁店借後樓梯畀佢擺嘢，我只是其中一個想幫佢。回報？我都諗唔到有咩回報，好似倫敦金咁心甘情願畀錢」。他透露，黑男三日行程約花了三萬港元。
黑男已將理大的配對及街頭好聲音上載到專頁，15萬點擊率，反應不錯。Keith透露，有遊戲展覽商已看到黑男在香港的迴響，已邀請他出席下月月底的遊戲展進行配對，「見到佢有收入，我都好開心」他說。