被告：唔通切豬扒咁切佢？

【蘋果日報】【無屍謀殺案】
切肉員涉於深水埗劏房謀殺前妻阿姨後棄屍，被告昨續在高院自辯。主控官盤問被告是否施展了切牛扒、斬豬骨的才能，用於肢解死者，被告笑曰：「直頭係謊言，哈哈，人點可以同動物去比呀！」
稱不懂分拆人體骨肉
被告及後稱不懂分拆人體骨肉，謂：「唔通我將佢切豬扒咁切呀？我用機切，唔係用手切㗎喎，我做嗰份工。」他強調與阿姨沒有仇怨，「我殺佢有乜好處先？」
被告顏永周否認於前年5月1日謀殺陳秀華，強調：「如果係我做，我一早唔知走咗去邊啦，仲等警察嚟搵我？白癡都唔會咁做啦，仲（住）喺原來個單位。」他稱若然自己行兇，必定清理乾淨，但他不知情，所以沒察覺家中有血漬。控方指閉路電視拍到有人托着黑色大膠袋棄屍，被告否認是自己：「直程係笑話呀！」
早前被告供稱遭警方毆打逼供，只好「供出同黨」，虛構目擊好友「阿凱」行兇。他昨稱被毆至入院留醫，但並非自己要求，而是警署值日官發現他嚴重受傷；醫生處方了7大支喜療妥藥膏，用完後身上瘀傷仍未完全消退。
被告自言是老實人，主控質疑他偷渡來港，一直用假身份證租屋搵工，經常行騙；被告辯稱沒騙財，「我有畀錢，有畀租；我有付出勞力先做到呢份工嘛」。他解釋數度否認使用假身份，只因不想連累僱主，而被捕後情緒不穩，說錯事發當晚行蹤，並非說謊。被告自辯完畢，周一續審。
案件編號：HCCC105/17
■記者勞東來