女乘客爆鼻：想打司機

【蘋果日報】在旅遊巴意外中受傷的兩名乘客，其中一名傷者丁小姐（圖）憶述意外經過時仍猶有餘悸，她指當時車速極快，撞擊力猛烈，她頭向前撼，導致鼻樑受傷，鼻血直流，「佢（旅巴司機）揸得太快，啪一聲，煞車都煞唔到，撞完之後，啲人想衝過去打佢（司機）！」丁小姐指撞車後，部份乘客因為趕返工而離開現場，她於皇崗居住，每日坐車返港到深水埗開工，是次意外慘被撞致鼻骨碎裂，傷口約一吋半長，經醫生評估後須留院治療。
旅遊巴乘客張先生，同是冠忠職員，他指旅遊巴撞落私家車車尾時，他即時呼叫司機：「喂，阿堂，撞車喎！」惟對方沒回應，旅遊巴繼續衝行，落橋後再撞貨車。司機受傷被困，張安慰司機：「好快有人嚟救㗎喇！」當時司機有反應，並回答「冇事」。張指涉事巴士乃通宵線，「司機夜晚8點開工，共開4轉車」，當時車上十多名乘客「大家都熟口熟面」，張又指涉事司機一向駕駛態度良好。
■記者文兆麟