新聞類別
港聞
詳情#
【蘋果日報】【個案一】
20歲、任職中介代理的楊先生，原來已兩次墮入「美女飯局」騙局。半年前，他在交友App「SKOUT」認識一名女子，對方爽快地約他到旺角見面，然後帶他上登打士街一間樓上Café，結果埋單花了800多元。估不到這次情況一樣，只是地點換了西洋菜街，他稱見到女方真身時已心知中伏：「相片跟真人完全係兩個人。」
雖然這次他變醒目了，跟女方講明「AA制」，惟「我一打開餐牌，發現跟上次呃我間Café餐牌一模一樣，已知中伏，但因為禮貌，所以冇即時走」。結果埋單總數要900多元，「好明顯唔值，份量好少，唔太好食，價值根本唔合理」。他事後氣憤難平：「佢哋一定係收佣金，都係同一個App。」兩次經驗令他相當沮喪，直言不敢再於網上識人。
「食物未到叫埋單」
【個案二】
「以為最多係女仔冇錢，呃一餐飯食，估唔到舖頭用呢啲招數」。大學生John因家庭問題，近日不開心，首次玩交友App「SKOUT」，希望找人傾訴，他直言原本志不在食，也對少女外形沒太大期望。當他被帶到Café時，也沒多看餐牌，任由少女決定，惟食物未到，職員就叫他埋單，且賬單是手寫，令他覺得很奇怪。
不過，John也沒想過這頓晚餐如此昂貴，「三細兜食物，每兜好似麥當勞脆香雞翼盒咁大，再加兩杯稀到似果汁咁嘅Cocktail，埋單要800多元。只傾咗幾句偈，覺得唔太值得」，但令他最不滿是：「我食咗兩、三啖，兩分鐘都未夠，佢就去廁所，返嚟後食幾啖，佢電話就響，然後話阿媽冇帶鎖匙，言下之意即係走。」他更批評這完全不是「美人計」，「因佢派出嘅都唔係美人」。
「Cocktail比酒店仲貴」
【個案三】
任職金融界的阿Ken因經常在SKOUT搵客，故當日少女主動約吃晚飯時，他也一口答應。不料甫上到Café打開餐牌，他已發現定價貴絕旺角，「Cocktail啲價錢比酒店仲貴」。點餐後，少女甫去廁所，職員便拿賬單來，「叫我先埋單，我紳士風度一定會畀，但點解時間夾得咁啱？」他說總數935元，包括兩杯cocktail，一套「Shots」特飲、卡邦尼意粉和豬仔髀，「我問佢攞返餐牌睇，原來餐牌內冇嘅」。
阿Ken感到不合理，一度跟職員理論，最後他提出只付自己一部份，繳付500元了事。最令他感驚訝的是，點餐後才3分鐘便送餐來，令他感到是一早「夾埋」；食物上枱竟是用外賣盒，「店員話上月才頂手，問佢攞卡片又畀唔到」。當他離開時見少女躲在始創中心，遂再上前質問，「真係好hard feeling，張相同真人差好遠。大家第一次食飯，男仔請女仔，我ok，但我鄙視咁嘅經營手法」。
「第一句Hi 第二句就問吃飯」
【個案四】
「佢第一句Hi，第二句就問我有冇興趣出嚟吃飯。」從事鐵路工程的28歲阿安亦是在「SKOUT」中招，兩人交換電話用WhatsApp再傾，相約當晚7時在花園街等，結果少女8時許才到。「佢一嚟就話朋友介紹附近一間餐廳好食，帶我上去」。他形容少女真人跟相片很大差異：「佢WhatsApp icon係個女仔背影，冇正面，但真人竟然大幾個size，M（中碼）變XL（加大碼），我唔排除佢肥咗嘅」。
最令阿安氣憤的是，二人只叫了兩碟意粉、豬仔骨、沙律和一杯飲品，埋單730多元，但他形容食物猶如垃圾，「意粉啲芝士好似溝水，最多只值30蚊」。他吃了幾啖後，少女就去廁所，「搞呢樣搞個樣，未食完就話阿媽冇帶鎖匙，其實都知佢玩乜」。結果未食完就走，「佢明顯呃我上去，但既然佢並非唔畀嘢我食，咪照畀錢囉，明買明賣，都吹佢唔脹。感覺好似出嚟畀個錢就走，好反感」。
20歲、任職中介代理的楊先生，原來已兩次墮入「美女飯局」騙局。半年前，他在交友App「SKOUT」認識一名女子，對方爽快地約他到旺角見面，然後帶他上登打士街一間樓上Café，結果埋單花了800多元。估不到這次情況一樣，只是地點換了西洋菜街，他稱見到女方真身時已心知中伏：「相片跟真人完全係兩個人。」
雖然這次他變醒目了，跟女方講明「AA制」，惟「我一打開餐牌，發現跟上次呃我間Café餐牌一模一樣，已知中伏，但因為禮貌，所以冇即時走」。結果埋單總數要900多元，「好明顯唔值，份量好少，唔太好食，價值根本唔合理」。他事後氣憤難平：「佢哋一定係收佣金，都係同一個App。」兩次經驗令他相當沮喪，直言不敢再於網上識人。
「食物未到叫埋單」
【個案二】
「以為最多係女仔冇錢，呃一餐飯食，估唔到舖頭用呢啲招數」。大學生John因家庭問題，近日不開心，首次玩交友App「SKOUT」，希望找人傾訴，他直言原本志不在食，也對少女外形沒太大期望。當他被帶到Café時，也沒多看餐牌，任由少女決定，惟食物未到，職員就叫他埋單，且賬單是手寫，令他覺得很奇怪。
不過，John也沒想過這頓晚餐如此昂貴，「三細兜食物，每兜好似麥當勞脆香雞翼盒咁大，再加兩杯稀到似果汁咁嘅Cocktail，埋單要800多元。只傾咗幾句偈，覺得唔太值得」，但令他最不滿是：「我食咗兩、三啖，兩分鐘都未夠，佢就去廁所，返嚟後食幾啖，佢電話就響，然後話阿媽冇帶鎖匙，言下之意即係走。」他更批評這完全不是「美人計」，「因佢派出嘅都唔係美人」。
「Cocktail比酒店仲貴」
【個案三】
任職金融界的阿Ken因經常在SKOUT搵客，故當日少女主動約吃晚飯時，他也一口答應。不料甫上到Café打開餐牌，他已發現定價貴絕旺角，「Cocktail啲價錢比酒店仲貴」。點餐後，少女甫去廁所，職員便拿賬單來，「叫我先埋單，我紳士風度一定會畀，但點解時間夾得咁啱？」他說總數935元，包括兩杯cocktail，一套「Shots」特飲、卡邦尼意粉和豬仔髀，「我問佢攞返餐牌睇，原來餐牌內冇嘅」。
阿Ken感到不合理，一度跟職員理論，最後他提出只付自己一部份，繳付500元了事。最令他感驚訝的是，點餐後才3分鐘便送餐來，令他感到是一早「夾埋」；食物上枱竟是用外賣盒，「店員話上月才頂手，問佢攞卡片又畀唔到」。當他離開時見少女躲在始創中心，遂再上前質問，「真係好hard feeling，張相同真人差好遠。大家第一次食飯，男仔請女仔，我ok，但我鄙視咁嘅經營手法」。
「第一句Hi 第二句就問吃飯」
【個案四】
「佢第一句Hi，第二句就問我有冇興趣出嚟吃飯。」從事鐵路工程的28歲阿安亦是在「SKOUT」中招，兩人交換電話用WhatsApp再傾，相約當晚7時在花園街等，結果少女8時許才到。「佢一嚟就話朋友介紹附近一間餐廳好食，帶我上去」。他形容少女真人跟相片很大差異：「佢WhatsApp icon係個女仔背影，冇正面，但真人竟然大幾個size，M（中碼）變XL（加大碼），我唔排除佢肥咗嘅」。
最令阿安氣憤的是，二人只叫了兩碟意粉、豬仔骨、沙律和一杯飲品，埋單730多元，但他形容食物猶如垃圾，「意粉啲芝士好似溝水，最多只值30蚊」。他吃了幾啖後，少女就去廁所，「搞呢樣搞個樣，未食完就話阿媽冇帶鎖匙，其實都知佢玩乜」。結果未食完就走，「佢明顯呃我上去，但既然佢並非唔畀嘢我食，咪照畀錢囉，明買明賣，都吹佢唔脹。感覺好似出嚟畀個錢就走，好反感」。
留言 (0)
