新聞類別
娛樂
詳情#
【蘋果日報】歐文傑執導的電影《非同凡響》，因題材屬非主流大片，講述特殊學校和傳統學校合辦音樂劇的經歷，上映初期未被看好，但電影開畫後卻贏得一致好評，當中現於香海正覺蓮社佛教普光學校就讀的SEN學童謝珈朗，更獲導演歐文傑大讚，他曾在訪問中表示，有場戲講述林嘉華在盛怒之下摑了大仔岑珈其一巴，飾演細仔的謝珈朗，突然間哭求爸爸：「唔好打哥哥……唔好打哥哥……」當時不單歐文傑，不少現場工作人員都邊睇邊哭。
缺席謝票提名
珈朗驚喜演出，歐文傑原本計劃為他報名爭奪今年金像獎「最佳新演員」，不過昨晨歐文傑在fb留言表示謝媽媽已婉拒：「昨晚收到珈朗媽媽的WhatsApp短訊，表示為免影響珈朗日後的發展，珈朗將不會參與任何謝票活動及提名金像獎，我個人十分尊重及明白作為母親的憂慮，也因此立即知會發行取消有關報名提名。」歐文傑昨日電話回應：「唔報金像獎嘞，佢媽咪話呢一刻受到太多注視，對小朋友發展唔係咁好。佢哋兩母子都好鍾意部戲，但唔想過度曝光。我都有同感，冇失望亦好理解，獎項係其次，小朋友先最重要。」歐文傑表示謝媽媽同珈朗最初都好開心報名，但想深一層驚引起外界無理抨擊，才打退堂鼓︰「一個普通市民同小朋友未必可以承受咁大壓力，珈朗喺我心目中係最佳新演員，唔會因為有冇提名或者得獎與否。」
余香凝讚窩心
另外，《蘋果》昨向同片的余香凝查詢，她表示：「尊重屋企人嘅決定，獎項同埋提名都係一個bonus，更何況呢個小朋友，佢做咗呢套戲，已經感動到好多人。」她續說：「珈朗之前都有做過訪問，之後嘅謝票活動，唔好話小朋友，其實一日咁多場，大人都會覺得攰，所以我哋都唔想小朋友太辛苦。」
講到拍攝時的小故事，余香凝說：「每次我哋去現場拍時候，珈朗真係好有童真，每次見到我，都好開心咁走嚟攬住我，又話好鍾意我，佢有時又會介紹啲朋友畀我識，我記得中途有去過其他地方做嘢，買咗個公仔畀佢，返嚟送畀佢真係好開心，就算隔咗好耐冇見，佢都認得我，真係好窩心。」
採訪︰李森、唐琛悠
缺席謝票提名
珈朗驚喜演出，歐文傑原本計劃為他報名爭奪今年金像獎「最佳新演員」，不過昨晨歐文傑在fb留言表示謝媽媽已婉拒：「昨晚收到珈朗媽媽的WhatsApp短訊，表示為免影響珈朗日後的發展，珈朗將不會參與任何謝票活動及提名金像獎，我個人十分尊重及明白作為母親的憂慮，也因此立即知會發行取消有關報名提名。」歐文傑昨日電話回應：「唔報金像獎嘞，佢媽咪話呢一刻受到太多注視，對小朋友發展唔係咁好。佢哋兩母子都好鍾意部戲，但唔想過度曝光。我都有同感，冇失望亦好理解，獎項係其次，小朋友先最重要。」歐文傑表示謝媽媽同珈朗最初都好開心報名，但想深一層驚引起外界無理抨擊，才打退堂鼓︰「一個普通市民同小朋友未必可以承受咁大壓力，珈朗喺我心目中係最佳新演員，唔會因為有冇提名或者得獎與否。」
余香凝讚窩心
另外，《蘋果》昨向同片的余香凝查詢，她表示：「尊重屋企人嘅決定，獎項同埋提名都係一個bonus，更何況呢個小朋友，佢做咗呢套戲，已經感動到好多人。」她續說：「珈朗之前都有做過訪問，之後嘅謝票活動，唔好話小朋友，其實一日咁多場，大人都會覺得攰，所以我哋都唔想小朋友太辛苦。」
講到拍攝時的小故事，余香凝說：「每次我哋去現場拍時候，珈朗真係好有童真，每次見到我，都好開心咁走嚟攬住我，又話好鍾意我，佢有時又會介紹啲朋友畀我識，我記得中途有去過其他地方做嘢，買咗個公仔畀佢，返嚟送畀佢真係好開心，就算隔咗好耐冇見，佢都認得我，真係好窩心。」
採訪︰李森、唐琛悠
回應 (0)
