新聞類別
財經
詳情#
【蘋果日報】
藍籌神話破滅跌落凡間，戰友可能會即時想到騰訊（700），但比凡間差的就是地獄，電盈（008）、思捷（330）及富智康（2038），全部都由人變神再落地獄，三股都由高位累跌超過95%，近期又多一隻，利豐（494）截至昨天，已由高位累跌93%。
曾幾何時，炒美國經濟向好，必然會諗到佢，佢哋嘅榮譽主席馮國經亦是本港政經界紅人，早前在董伯伯年代，曾經傳過會入行政會議或擔任財爺，8年前仲傳過會爭做特首添，結果都無成事。利豐於2000年染藍，至去年才被踢走，雷曼爆煲股價由15蚊跌至4.44元，不過有QE後兩年內就升至21.3元，累升3.8倍，亦係最光輝的一刻。近年電子商貿快速成長，對傳統採購業務大受打擊，利豐作為中間人的角色變得可有可無，家道中落，營業額及盈利大幅倒退，能夠做的，就係變賣家當。
去年先將利邦（891）控股權出售予中資，再賣家具、美容及毛衣產品畀大股東馮氏家族及中資基金，呢個關連交易都相當有趣，話就話係為咗幫公司精簡架構，但如果業務咁無前景的，大股東又會肯仗義食咗佢啊，不過為咗令小股東釋疑，都爽手派每股0.476元的特別息，在利誘之下，單刁順利通過，大股東都袋左11億特別息。而子公司利標（787）今年亦賣北美業務，完成後又派0.325特別息，特別股東大會已在8月投票通過，按通函所講預期交易會在8月31日完成，但依家都10月了，青冰再check清楚，如果未能在10月31日前完成，交易將會取消，究竟是否美國當局仍未審批定係阻撓，管理層可能認為，都無需要update你哋吖。
王朝沒落，可能受天時地利人和影響，但昔日藍籌現在處事作風像股仔，叫小股東怎能不唏噓呢。
青冰
http://fb.com/chingbing888
本欄逢周四刊出
藍籌神話破滅跌落凡間，戰友可能會即時想到騰訊（700），但比凡間差的就是地獄，電盈（008）、思捷（330）及富智康（2038），全部都由人變神再落地獄，三股都由高位累跌超過95%，近期又多一隻，利豐（494）截至昨天，已由高位累跌93%。
曾幾何時，炒美國經濟向好，必然會諗到佢，佢哋嘅榮譽主席馮國經亦是本港政經界紅人，早前在董伯伯年代，曾經傳過會入行政會議或擔任財爺，8年前仲傳過會爭做特首添，結果都無成事。利豐於2000年染藍，至去年才被踢走，雷曼爆煲股價由15蚊跌至4.44元，不過有QE後兩年內就升至21.3元，累升3.8倍，亦係最光輝的一刻。近年電子商貿快速成長，對傳統採購業務大受打擊，利豐作為中間人的角色變得可有可無，家道中落，營業額及盈利大幅倒退，能夠做的，就係變賣家當。
去年先將利邦（891）控股權出售予中資，再賣家具、美容及毛衣產品畀大股東馮氏家族及中資基金，呢個關連交易都相當有趣，話就話係為咗幫公司精簡架構，但如果業務咁無前景的，大股東又會肯仗義食咗佢啊，不過為咗令小股東釋疑，都爽手派每股0.476元的特別息，在利誘之下，單刁順利通過，大股東都袋左11億特別息。而子公司利標（787）今年亦賣北美業務，完成後又派0.325特別息，特別股東大會已在8月投票通過，按通函所講預期交易會在8月31日完成，但依家都10月了，青冰再check清楚，如果未能在10月31日前完成，交易將會取消，究竟是否美國當局仍未審批定係阻撓，管理層可能認為，都無需要update你哋吖。
王朝沒落，可能受天時地利人和影響，但昔日藍籌現在處事作風像股仔，叫小股東怎能不唏噓呢。
青冰
http://fb.com/chingbing888
本欄逢周四刊出
留言 (0)
