貿戰影響　零售生意差

【蘋果日報】經營零售業之餘、又是舖市資深投資者的太子珠寶鐘錶主席鄧鉅明「太子鄧」坦言，貿易戰後生意連跌三個月，前景未明，但暫未有削減分行計劃，待下月美國中期選舉後再作打算。
鄧鉅明坦言，今年5月份生意額按年增長逾10%，6月份仍持續增長，惟7月份起開始連跌三個月，跌幅由10%至20%，其中9月份受累於颱風影響，按年跌幅逾20%。整體而言，今年首10個月暫時按年升幅約10%。
他指：「日用品、化妝品冇影響，但高價嘢實有影響。所有高價嘢都係老闆級買，十幾萬至幾百萬一隻錶，老闆唔明確將來發生咩事，使錢會謹慎，零售點會好呢！」分行網絡方面，他回應：「好話唔好聽，除非好平，封到蝕本門嘅咪諗囉！但暫時又唔會縮減分行，未至於睇到咁差。」