新聞類別
財經
詳情#
【蘋果日報】
前財爺曾俊華（薯片叔叔）現時變咗Fintech代言人，皆因佢加盟咗網絡保安界猛人張立申創辦嘅公司BVL，噚日佢出席數碼港總部成立活動嘅時候，俾人問到少少關於施政報告，即刻話：「我離開政治好遠㗎喇。」
樓價唔升 少啲人買
但講返股樓嘅時候，薯片都仲係財金官員上身，佢笑言話自己冇做財爺好耐，但口吻都似嘅：「今日睇股市跌咗700幾點，主要係政治不穩定因素，而經濟上因為QE（量化寬鬆）結束，美國停買債令到美匯上升，令其他國家貨幣匯率貶值。」咁樓價調整緊，之後會唔會仲繼續跌啊？薯片話視乎市場心理，「通常價錢唔升，少啲人會買。」利息都會影響買樓意欲。
薯片做主席嘅BVL喺數碼港嘅總部盛大開幕，好多以前嘅老友都有嚟，如立法會議員張華峰送埋花牌，嚟緊兩個月佢就會正式公佈手機認證技術IPification，華華預祝佢成功先。
李華華
mailto:LiWaWa@AppleDaily.com
LiWaWa@AppleDaily.com
前財爺曾俊華（薯片叔叔）現時變咗Fintech代言人，皆因佢加盟咗網絡保安界猛人張立申創辦嘅公司BVL，噚日佢出席數碼港總部成立活動嘅時候，俾人問到少少關於施政報告，即刻話：「我離開政治好遠㗎喇。」
樓價唔升 少啲人買
但講返股樓嘅時候，薯片都仲係財金官員上身，佢笑言話自己冇做財爺好耐，但口吻都似嘅：「今日睇股市跌咗700幾點，主要係政治不穩定因素，而經濟上因為QE（量化寬鬆）結束，美國停買債令到美匯上升，令其他國家貨幣匯率貶值。」咁樓價調整緊，之後會唔會仲繼續跌啊？薯片話視乎市場心理，「通常價錢唔升，少啲人會買。」利息都會影響買樓意欲。
薯片做主席嘅BVL喺數碼港嘅總部盛大開幕，好多以前嘅老友都有嚟，如立法會議員張華峰送埋花牌，嚟緊兩個月佢就會正式公佈手機認證技術IPification，華華預祝佢成功先。
李華華
mailto:LiWaWa@AppleDaily.com
LiWaWa@AppleDaily.com
留言 (0)
