港故事：縱橫舊區服務街坊　行到膝痛

【蘋果日報】上月超強颱風「山竹」帶來的破壞有目共睹，電視訊號接收亦被擾亂，訪問當日記者跟樊師傅連走兩場，就是他口中講的「跟手尾」。現時找他幫手修理電視機的主要是上年紀一輩，颱風過後，樊師傅接電話便出動檢視大廈的天線，其中一幢舊樓已走訪幾趟，但仍有一戶無法收看電視，婆婆住客表示已經一星期「冇電視睇」，叫苦連天。
充當和事老勸阻爭執
但單位外樓層的相關線路被防火板覆蓋，師傅要檢視首先要徵詢樓宇管理人員同意，中間又要勞煩管理員通傳，住客焦急欲盡快修妥，與管理員起爭執，樊師傅更要充當和事老。
由於問題膠着，樊師傅惟有先行處理其他街坊的個案，他走到另一幢唐樓的天台，查看天線、電視訊號放大器以及分線器等是否正常，沿途碰面的街坊都跟他打招呼。
拾級而上之際，年屆69歲的樊師傅不禁指膝蓋痠痛。該幢唐樓並無公眾天線，樊師傅指着遠處：「佢條天線係靠嗰邊掟過嚟，之後分畀下面用，依家打完風，啲放大器壞咗，要同佢處理。」
居民杜先生從旁協助，他表示：「電視、天線有乜問題就搵佢，呢行依家少人做、式微，新樓一條公眾天線搞掂，舊樓位置做唔到公眾天線，咪要搵師傅嚟逐條駁囉！」在天台爬上爬落，在縱橫交錯的電線中撥亂反正，杜先生住所的電視機已經重新接收訊號。不過，另一單位的訊號較弱，樊師傅仍需努力。