做廚房享特權　嘆山寨版碗仔翅

【蘋果日報】聲稱被懲教署剝削假期的陳先生（化名），先後在白沙灣和喜靈洲懲教所服刑，他大爆在在監獄廚房內工作的囚犯享有種種特權。
陳先生稱，囚犯膳食煮法多以白烚為主，「除咗條魚係炸之外，所有肉類、菜都係白烚，唔會落任何調味」。但於廚房工作的囚友則可受惠「員工伙食」，視乎導師喜好，「煮乜都得」，最具創意莫過於「碗仔翅」。陳稱，粉絲在獄中屬稀有食材，過時過節才有供應，廚師把剩肉和炸魚切絲，加入雲耳和枝竹，以老抽溝生粉水和醋打成芡汁，最後加入小賣部有售的魷魚絲，便成山寨版碗仔翅。
「一嚿肉換一支煙」
廚房內外為兩個世界，陳稱囚友如想加餸便要靠關係，「嚿肉切得厚啲、菜又添多啲畀你，阿sir通常隻眼開隻眼閉」，囚犯間有專員負責拉攏，以香煙為交易單位，「一嚿肉換一支煙」，於廚房肉部工作的囚犯月入可達5萬元。懲教署回應指，不會容忍任何形式的非法活動，包括擅自處理食材等違紀行為，發現時會通過大型搜查遏止。
■記者梁銘恩