陳日君痛心教廷遭京利用滅地下教會

【蘋果日報】中梵秘密簽訂主教任命協議，天主教香港教區榮休主教陳日君樞機表示痛心，斥做法對內地的地下教會殘忍，「好痛心㗎，依家講得難聽啲，佢（中共）係靠梵蒂岡幫佢消滅地下（教會）」。
陳日君接受網台訪問時表示，以往教廷一直會任命地下主教，並強調地下主教才是正權主教，但近年教廷為與北京對話「唔敢得罪佢」，漸漸同意很多政府承認的地上主教，現時地上主教有70多人，地下主教僅餘30多人，強調「唔啱吖嘛，地下嗰啲唔可能服從地上嗰個，地上嗰個要聽政府話」。
據傳新協議下教宗雖然手握最終任命權，但前期提名、遴選程序均受政府操控，陳日君強調任命主教是教宗的權力，「唔係單單最後一句」，強調應該由教宗主動選擇主教，「政府點識揀主教㗎？佢揀出嚟嘅就係佢信得過㗎囉，幫佢講嘢嗰啲囉，唔啱我哋㗎嘛」。
盼教宗回頭是岸
「你可以否決幾多次？你否決咗5次10次之後，你都會好難堪啦」。陳日君認為，一旦教廷將提名和遴選主教的權交了給政府，將來便會「好難做」，若教宗真的能堅持否決不好的主教便沒有問題。
「到依家我仲未確實話，教宗真係同意咗啲邪惡嘅事」。陳日君多次強調，不會公開反對教宗，若教宗做了他良心不能接受的事，他便不會出聲，但不會退出天主教。「我信天主，唔係信教宗，唔係信人，教宗可以做錯嘢」。陳說，希望教宗知道錯誤，會盡快改正。
陳日君又說，對於目前情況「好痛心」，估計教宗對中國的情況不太清楚。對於中國天主教主教團秘書長郭金才邀請教宗訪華，陳日君認為教宗訪華不會見到為信仰受苦的人，「嗰啲人會被困五星級酒店，鎖住裏面，你走喇佢就放出嚟」，認為教宗現在去中國只會被人利用。
■記者鄧力行