朗城滙兩日收逾千票

【蘋果日報】樓市跌勢未停，發展商市價推盤仍錄超額認購。由華懋發展的元朗朗屏站新盤朗城滙日前於淡市中開價，首批144伙折實平均呎價近1.6萬元，貼近同區二手市場，料成為緊接的多個大西北新盤定價指標。
開價同日下午，朗城滙開始收票，市場消息指，首日雖然只開放5小時，但已收近400票。昨日重陽節公眾假期更再多收逾700票，以首批144伙計，兩日收約1,100票，超額認購6.6倍。發展商早前指，項目有機會今日加推第2號價單，並將於下周五（26日）首輪賣樓。
重陽節多人睇樓
昨日為重陽節公眾假期，有大批市民趁餘暇一家大細睇樓。朗城滙位於荃灣如心廣場的售樓廠，昨日下午3時為人潮高峯期，現場所見，有超過200名睇樓客排隊睇樓，發展商為維持秩序於商場內放置多個鐵馬，睇樓客大打蛇餅，平均等15至20分鐘才到達售樓廠，睇樓客當中不少為80、90後年輕人，亦有人帶同手抱嬰孩睇樓。
居住荃灣的睇樓客李生認為，雖然近期樓市有下調迹象，但現時樓市剛性需求仍強勁，相信長遠平穩發展；至於日前山頂豪宅地流標，他則認為民生不會受到影響。另一睇樓客劉先生打算購朗城滙兩房戶投資，心儀該盤近地鐵故特意來睇樓了解，他認為近期樓市氣氛欠佳，相信會再調整。
新盤磨拳擦掌，同屬大西北的莊士中國頭炮盤屯門弦海，將於今日開價及公開示範單位，成為屯門區一個月內第二個新盤供應。對上的屯門上源首批最低呎價不足萬元，引來全城關注，惟樓市步入低潮，次輪賣樓僅沽不足六成。
準買家心聲
陳小姐：
「天水圍有自置物業，住咗20、30年，希望換新樓，預算600至700萬買兩房，鍾意呢度交通方便，新盤仲慳返裝修費。」
范先生：
「我做金融業啱啱新婚，依家喺南昌有600呎自置物業，打算換樓，下半年氣氛冇咁好，但自住需要所以唔再等。」