徙置區長大「政府起公屋要不怕死」

【蘋果日報】樓價高企，有指打工仔要不吃不用19年才儲夠錢上車，夠幸運的靠父幹置業，想腳踏實地儲錢買樓恍如天方夜譚。從徙置區、上樓到當業主，杜琪峯經歷的是典型香港置業故事，回望半生，他最感激當年徙置區令他有瓦遮頭，認為公屋是香港之本。面對樓市高企他是得益者，「我賺地產嘅錢比拍電影仲要多」，卻狠批地產商囤積單位如同「造市」，指政府應更早壓抑樓市，要有膽量、不怕死造地去興建公屋，給港人一個安樂窩。
訪問於新一份《施政報告》公佈前進行，問杜Sir如何看特首林鄭月娥提出以置業主導的方針，如將更多公屋改作綠置居出售，揚言公屋「80萬個已足夠」。杜說自己不是專家，「但我係過來人，香港長大，住老虎岩（徙置區）、牛頭角、之後租廣播道一間房，到我買樓，成個過程都係咁，如果冇咗徙置區，我都唔知去邊」。童年在九龍城寨成長的杜琪峯認為有地便應該興建公屋，「公屋係好好，安定咗好多家庭，至少佢返到屋企。」
「地產商要賺錢　但唔係賺成咁」
但擁有安樂窩不容易，早已「上岸」的杜琪峯笑言自己「衰格」，因他是樓市得益者，曾因買賣物業獲利不菲，「我拍電影賺最少，賺地產嘅錢比拍電影仲要多啲」，卻慨嘆現時樓市扭曲，「當你用20年嘅人工都買唔到樓，已經出問題，人生有幾多個20年？」他甚至看不過房地政策向地產商傾斜，「地產商一定要賺錢，但唔係賺成咁樣」。
他認為若政府早點壓抑樓市，樓價應該可維持在合理水平，不會被越推越高，「地產商唔會賺到咁，唔會俾人囤儲咁多土地，慢慢搣出來，仲要一批批咁搣出來，完全係造市」。他引用美國著名政治家富蘭克林名句，寄語現在入市買樓的人要量力而為，「寧願餓着肚皮去睡覺，不要早晨起來一身債」。（Rather go to bed without dinner than to rise in debt.）
年輕人買不起樓，「買樓靠父幹」例子比比皆是，杜琪峯認為觀念很錯，「我一家八口住200呎都係咁住，邊有冷氣㗎，飯都冇得食我又試過」。他認為父母不應勉強替子女買樓，至於政府如何爭取民意去造地，他認為政府要有膽量、不怕死，「如果政府夠膽，做出來就唔怕人話，唔係為咗傾斜地產商、唔係為某啲人做，係為大眾」。
去年特首選舉中杜琪峯曾拍片替前財爺曾俊華助選，片中杜指不想香港再出現鬥爭分歧。今日他再談社會衝突，認為問題源於港人未能應付回歸帶來的變化，指至今20年「雙方都要變，唔可能唔變」，認為最重要是在保留本土文化之餘去應對融和，就如他算是較少亦較遲北上拍攝合拍片的香港導演之一，但他認為「如果覺得有任何事可以令香港唔屬於中國領土，係天方夜譚。」近年政治問題紛爭不斷，如何解決？杜認為政府若處理好民生問題能減少爭拗，但法治和言論自由缺一不可，「如果香港能保持好嘅法治、好嘅言論，香港已係個非常唔同嘅城市。」