旅業料商務客影響較大

【蘋果日報】港人日後到法國、希臘、捷克等20多個歐洲神根公約國旅遊，要向「歐洲旅行信息與授權系統」（ETIAS）申請及繳費，等如變相要申請簽證，本港旅行社擔心會削弱歐洲旅行團的吸引力。
身兼香港旅遊業議會主席的康泰旅行社執董黃進達回覆本報說，由於部份申請可能需時幾天至兩星期，對商務客人影響較大，「佢哋可能要急住出發，一般旅客都會幾個月前訂位，唔大影響」。但申請收費確會削弱去歐洲的吸引力，「畢竟以前係冇呢樣嘢，有咗對香港旅客出門時反而係多咗個考慮」。
項明生稱安排無可厚非
旅遊達人項明生（圖）表示，每年都會去歐洲兩次，「以前歐洲真係無掩雞籠，出入境好方便」。自從近年出現難民問題及多宗恐襲後，「一落機就見到一排警察，抽查可疑旅客，過關時都會問多幾句，我已經預感到遲早會收緊入境手續，都無可厚非，因為真係有保安需要」。他不會因此減少去歐洲，「當做申請簽證，上網都好方便，唔使去排隊」。
■記者麥志榮