新聞類別
港聞
詳情#
【蘋果日報】光纖之父高錕今天設靈，88歲中學同窗李幹成將送摯友最後一程，「佢咁就行咗……都唔知幾時到自己走」。憶起故友，李幹成想起的並非偉大的光纖理論，「佢鍾意食肥豬肉、我老婆用靚陳皮煲嘅紅豆沙」。
70載友情，緣起自1949年，那年高錕從上海來港入讀聖若瑟書院，就讀中四。李幹成愛以高錕的洋名「抄匙」（Charles）稱呼他，當年有書讀已非常難得，娛樂不多，男孩子課餘活動除了踢足球，就是「隻揪」打架，高錕從不參與，「佢好純，係乖學生，印象中好沉靜」。高錕好奇的科學家精神，在中學時已見端倪，李說高錕曾在實驗室內混合化學劑，幸成份不高，未釀成爆炸意外。
中學畢業後各散東西，二人重遇，是高錕研發光纖後從英國返港，當時李為母校舊生會主席，邀請高錕回校演講，「佢一口答應我」，學生亦反應熱烈，課室外走廊亦逼滿人潮。李以君子形容高錕，「佢真係好gentleman」，念舊情之餘為人亦謙遜。關於光纖，李自嘲一竅不通，只記得高錕在光纖技術剛成熟時對他說，憂慮中國無法發展光纖，「驚俾大陸人掘返起偷晒！」
「行得 食得 就係唔記得」
李幹成看着舊照，談起高錕退休後，同學經常大夥兒旅行，到過九寨溝、長江三峽、馬來西亞、台灣等地。初發現高錕患上腦退化症，是2005年赴長江三峽旅遊，發現他經常忘東忘西，「成日唔見相機、銀包……行得、走得、食得，就係唔記得」。高錕晚年腦退化加劇，越來越怕陌生人、亦怕閃光燈，每赴養和醫院治療，李亦陪伴左右照顧，「每次佢見到你，都會望到實一實，望完一輪識笑啦，咁就代表ok啦」。
君子之交，李幹成愛以詩會友，如賀高錕生日、獲諾貝爾獎，連送高錕最後一程，亦以墨寶表心意，親手寫訃文。世界都記得高錕，他卻忘了世界，李看在眼內，卻想得開，「做人冇得同個天斤斤計較」，只願他一路好走。
■記者梁銘恩
70載友情，緣起自1949年，那年高錕從上海來港入讀聖若瑟書院，就讀中四。李幹成愛以高錕的洋名「抄匙」（Charles）稱呼他，當年有書讀已非常難得，娛樂不多，男孩子課餘活動除了踢足球，就是「隻揪」打架，高錕從不參與，「佢好純，係乖學生，印象中好沉靜」。高錕好奇的科學家精神，在中學時已見端倪，李說高錕曾在實驗室內混合化學劑，幸成份不高，未釀成爆炸意外。
中學畢業後各散東西，二人重遇，是高錕研發光纖後從英國返港，當時李為母校舊生會主席，邀請高錕回校演講，「佢一口答應我」，學生亦反應熱烈，課室外走廊亦逼滿人潮。李以君子形容高錕，「佢真係好gentleman」，念舊情之餘為人亦謙遜。關於光纖，李自嘲一竅不通，只記得高錕在光纖技術剛成熟時對他說，憂慮中國無法發展光纖，「驚俾大陸人掘返起偷晒！」
「行得 食得 就係唔記得」
李幹成看着舊照，談起高錕退休後，同學經常大夥兒旅行，到過九寨溝、長江三峽、馬來西亞、台灣等地。初發現高錕患上腦退化症，是2005年赴長江三峽旅遊，發現他經常忘東忘西，「成日唔見相機、銀包……行得、走得、食得，就係唔記得」。高錕晚年腦退化加劇，越來越怕陌生人、亦怕閃光燈，每赴養和醫院治療，李亦陪伴左右照顧，「每次佢見到你，都會望到實一實，望完一輪識笑啦，咁就代表ok啦」。
君子之交，李幹成愛以詩會友，如賀高錕生日、獲諾貝爾獎，連送高錕最後一程，亦以墨寶表心意，親手寫訃文。世界都記得高錕，他卻忘了世界，李看在眼內，卻想得開，「做人冇得同個天斤斤計較」，只願他一路好走。
■記者梁銘恩
留言 (0)
