新聞類別
財經
詳情#
【蘋果日報】【周末專題】方力申，一個大家熟悉的游泳健將兼男藝人，原來「飛魚」踏足股票市場，幾乎損手多過食飯。方爸爸方毓仁笑言：「屋企其中一樣興趣就係股票，全家人一齊買股票，一齊輸！計完數後，嘩一聲，成一百萬冇咗！」
記者：黃朗鈞
方力申從小接受游泳訓練，曾於2000年悉尼奧運創下200米背泳及400米個人混合泳兩項香港紀錄，退役後轉型做藝人，拍攝過多套膾炙人口的電影及歌曲，事業一帆風順，但原來他的炒股經驗，幾近輸多贏少。
年少就名利雙收的方力申，踏進社會後想做老闆及一朝發達，所以當時有錢便買股票。當時心態驅使，全靠消息買股，入的是8字頭的創業板股份。他指「一出微信，我想買騰訊（700），出iPhone嘅時候，我都有買過蘋果，跟住好快就賣咗，Tesla我曾經都想買，乜都想買！」惟當股份升的時候，他認為未賺夠沒沽，跌的時候又不捨得割愛，最終輸掉很多錢。
方力申花光第一桶金
坐在旁邊的方爸爸聽畢笑說：「屋企其中一樣興趣就係股票，全家人一齊買股票，一齊輸！」他指曾經歷股災，經點算後，「嘩一聲，成一百萬冇咗！」印象最深刻的是曾購入佳寧的股份，其市值跌至零。
要炒股投資，都要有「子彈」。方爸爸坦言，不曉得方力申的第一桶金何時取得，但可以肯定他約10歲時，已不需家人負擔。例如方力申游水太好，家人不需交學費，後來又有精英運動員津貼，就讀港大時亦有津貼及獎學金，所以「佢好後生嗰時，已經開始搵錢」。
方力申指出，第一桶金是入行後賺得，但已經花光，因為「男人有錢就身痕，又鍾意儲嘢！」所以當他儲了1萬元，買對波鞋便花光；儲到5萬元，買幅畫又耗盡；儲到10萬元，買一架電單車便清袋，很難儲七位數去買層樓。
愛收藏名人簽名物品
談及儲東西，方爸爸笑言：「佢最鍾意就係買乜儲乜，鍾意乜就儲乜，就係鍾意買嘢，三歲定終身。」他指方力申幾歲時已經有儲簽名的習慣，由玩具到球衣、泳帽，樣樣皆有。曾經要搬屋，整理他房間的物品時，見到「Michael Jordan簽名、Kobe Bryant簽名、菲比斯簽名嘅游水褲或者泳帽」，想丟也丟不掉。
家中琳琅滿目的簽名物品，對某些人來說是一種藝術品，而方力申亦成為一個年輕收藏家。他指相比起股票及物業，藝術品很獨特，最重要是喜不喜歡哪項藝術品不能只看錢，「有啲人剩係睇升值潛力，我就會揀真係自己鍾意，就算佢將來唔值錢，我都唔會覺得好心痛，想日日見住佢，因為佢係獨一無二！」
記者：黃朗鈞
方力申從小接受游泳訓練，曾於2000年悉尼奧運創下200米背泳及400米個人混合泳兩項香港紀錄，退役後轉型做藝人，拍攝過多套膾炙人口的電影及歌曲，事業一帆風順，但原來他的炒股經驗，幾近輸多贏少。
年少就名利雙收的方力申，踏進社會後想做老闆及一朝發達，所以當時有錢便買股票。當時心態驅使，全靠消息買股，入的是8字頭的創業板股份。他指「一出微信，我想買騰訊（700），出iPhone嘅時候，我都有買過蘋果，跟住好快就賣咗，Tesla我曾經都想買，乜都想買！」惟當股份升的時候，他認為未賺夠沒沽，跌的時候又不捨得割愛，最終輸掉很多錢。
方力申花光第一桶金
坐在旁邊的方爸爸聽畢笑說：「屋企其中一樣興趣就係股票，全家人一齊買股票，一齊輸！」他指曾經歷股災，經點算後，「嘩一聲，成一百萬冇咗！」印象最深刻的是曾購入佳寧的股份，其市值跌至零。
要炒股投資，都要有「子彈」。方爸爸坦言，不曉得方力申的第一桶金何時取得，但可以肯定他約10歲時，已不需家人負擔。例如方力申游水太好，家人不需交學費，後來又有精英運動員津貼，就讀港大時亦有津貼及獎學金，所以「佢好後生嗰時，已經開始搵錢」。
方力申指出，第一桶金是入行後賺得，但已經花光，因為「男人有錢就身痕，又鍾意儲嘢！」所以當他儲了1萬元，買對波鞋便花光；儲到5萬元，買幅畫又耗盡；儲到10萬元，買一架電單車便清袋，很難儲七位數去買層樓。
愛收藏名人簽名物品
談及儲東西，方爸爸笑言：「佢最鍾意就係買乜儲乜，鍾意乜就儲乜，就係鍾意買嘢，三歲定終身。」他指方力申幾歲時已經有儲簽名的習慣，由玩具到球衣、泳帽，樣樣皆有。曾經要搬屋，整理他房間的物品時，見到「Michael Jordan簽名、Kobe Bryant簽名、菲比斯簽名嘅游水褲或者泳帽」，想丟也丟不掉。
家中琳琅滿目的簽名物品，對某些人來說是一種藝術品，而方力申亦成為一個年輕收藏家。他指相比起股票及物業，藝術品很獨特，最重要是喜不喜歡哪項藝術品不能只看錢，「有啲人剩係睇升值潛力，我就會揀真係自己鍾意，就算佢將來唔值錢，我都唔會覺得好心痛，想日日見住佢，因為佢係獨一無二！」
留言 (0)
