蜘蛛仔投身NGO「我想留低付出更多」

【蘋果日報】四年前在獅子山上掛起一幅「我要真普選」巨型直幡後，14名以「蜘蛛仔」自居的攀山者隱身於鬧市，各自回到日常崗位。其中一名蜘蛛仔在傘運時仍為售貨員，經此一役，思考該如何安身立命，最終頭也不回進入了非政府組織（NGO）的領域。四年後回望，他念茲在茲的初衷，仍然是「我要真普選」，「好多社會問題都係因為冇一個真正嘅普選制度，所以到咗今日都係同一個訴求」。
「傘運後大家都話要落社區……
我諗係要同政權及
社會不公義嘅事鬥長命。」
回想起那個攻上獅子山頂掛直幡的清晨，蜘蛛仔說，當時一行14人懷着興奮的心情出發，「因為我哋知道自己將要去做一件啱嘅事」，沒有預計過太多後續及迴響，只是覺得這是一件「對的事」，便在獅子山上掛起了那張震撼港人的直幡。「我要真普選」五大字，簡單而直接展示香港人最根本的訴求。四年後重回獅子山，蜘蛛仔坦言已沒有太大感覺，經歷過雨傘運動，當初的興奮已然沉澱，自覺要有更多承擔，「我想留喺呢度為個城市付出更多」。
蜘蛛仔體會到，社會抗爭不只一場大型社會運動，「傘運之後，大家都話要落社區，簡單啲嚟講，我諗係要同政權以及社會上不公義嘅事情鬥長命」。蜘蛛仔說，如果生活上無法實踐所相信的價值，每人只等待下一場大型社會運動，那麼「我要真普選」無從談起。也因如此，他離開了售貨員的工作崗位，進入了NGO的世界，「至少每一日都考驗緊自己，對於個社會到底有幾認真，亦都係裝備緊自己，如果下一次再嚟嘅時候，可以點樣幫到個社會」。
這四年間，親身感受香港的大環境逐漸崩壞，「無論係言論自由、一地兩檢、土地大辯論、政治氛圍、民生以至教育議題，所有嘢都好差」，但蜘蛛仔卻認為這才是考驗港人的時刻，「因為雨傘運動從來無講過一切都會變得更加好，反而當真普選未嚟到時，先係對我哋耐性同韌力嘅考驗，每一個曾經參與傘運嘅人會唔會背叛自己，忘記咗我要真普選嘅初衷？」
面對崩壞的時勢，有想過放棄嗎？蜘蛛仔答：「從來都無諗過要放棄，如果真係放棄，我諗我會離開香港，如果你話低潮之類就點都有，但喺呢個社會生活本來就有高低起跌。」他說，在香港生活本就是一件痛苦的事，「唔知咁講會唔會好老套，但我都要諗點樣喺呢個社會入面自處，我只係一個普通人，可以點樣發揮到影響力？同埋雨傘時候見識過大家聚埋一齊嘅力量，呢種共同經歷加埋自己嘅價值觀，所以到呢刻都無諗過要放棄」。
「戴面具唔係因為想故弄玄虛，
而係覺得蜘蛛仔係咩人
其實唔重要。」
14名蜘蛛仔四年前無意間湊合在一起，傘運任務完成後，各走各路。「戴面具唔係因為想故弄玄虛，而係覺得蜘蛛仔係咩人其實唔重要」，昔日那套蜘蛛俠服裝，早就已經丟棄了，因為訪問，他又重新買了一套。電影中的蜘蛛俠是拯救人類的英雄，蜘蛛仔卻反對英雄化，「老套啲講句，每一個傘運參與者都可以係蜘蛛仔，我要真普選嘅直幡俾人拆咗，但任何地方都可以再出現，最重要係大家心入面仲有冇呢一個目標」。
記者李雨夢