新聞類別
財經
詳情#
【蘋果日報】
讀到健吾寫香港小學生的難食飯盒，慶幸自己學生時代食得幾好：小學時未有全日制，放學就行幾分鐘回家食飯，食的都是自己鍾意的東西；中學裏面那一家飯堂做得不錯，連隔離女校的學生都會來排隊買飯，不想食飯堂的話又可以去九龍城，不愁冇好嘢食；入到大學，雖然校內膳食相當麻麻，但落堂或走堂之後，只要多行兩步去中環舊區幫襯就好滿足了。
原來教育局對學校膳食有一系列的建議指引：「提供的穀物類（例如飯、麵）、蔬菜和肉類（或其代替品）佔飯盒容量的比例為3：2：1」、「提供最少一份新鮮蔬菜」、「採用低脂的烹調方法，例如蒸、灼、少油煎炒或烘焗」、「不供應甜品」等等，睇完呢一堆限制，我真心覺得我童年好唔健康但好幸福。一個飯盒連運費賣廿蚊左右，仲要食物係預先煮好保溫，加上這一堆健康指引，真係畀你廚神再世都冇辦法唔難食。灼菜蒸魚白飯保溫一頭半個鐘，你可以想像有幾好味啦。
小朋友食得好食得開心，對上堂學習係會有幫助，亦係培養品味的重要一環，為小朋友提供健康又優質的膳食其實係一項投資。家長有時間自己準備飯盒固然好，要求校方買貴飯盒就睇怕好難，因為實有其他家長反對同你死過。
曾國平
美國維珍尼亞理工大學經濟系副教授
http://fb.com/economics3.0/
本欄逢周五刊出
讀到健吾寫香港小學生的難食飯盒，慶幸自己學生時代食得幾好：小學時未有全日制，放學就行幾分鐘回家食飯，食的都是自己鍾意的東西；中學裏面那一家飯堂做得不錯，連隔離女校的學生都會來排隊買飯，不想食飯堂的話又可以去九龍城，不愁冇好嘢食；入到大學，雖然校內膳食相當麻麻，但落堂或走堂之後，只要多行兩步去中環舊區幫襯就好滿足了。
原來教育局對學校膳食有一系列的建議指引：「提供的穀物類（例如飯、麵）、蔬菜和肉類（或其代替品）佔飯盒容量的比例為3：2：1」、「提供最少一份新鮮蔬菜」、「採用低脂的烹調方法，例如蒸、灼、少油煎炒或烘焗」、「不供應甜品」等等，睇完呢一堆限制，我真心覺得我童年好唔健康但好幸福。一個飯盒連運費賣廿蚊左右，仲要食物係預先煮好保溫，加上這一堆健康指引，真係畀你廚神再世都冇辦法唔難食。灼菜蒸魚白飯保溫一頭半個鐘，你可以想像有幾好味啦。
小朋友食得好食得開心，對上堂學習係會有幫助，亦係培養品味的重要一環，為小朋友提供健康又優質的膳食其實係一項投資。家長有時間自己準備飯盒固然好，要求校方買貴飯盒就睇怕好難，因為實有其他家長反對同你死過。
曾國平
美國維珍尼亞理工大學經濟系副教授
http://fb.com/economics3.0/
本欄逢周五刊出
留言 (0)
