新聞類別
港聞
詳情#
【蘋果日報】儘管是新西地區直選票王，他的面書專頁，仍是八鄉朱凱迪（圖）。由發起守護菜園村不遷不拆，到本月底廣深港高鐵正式通車，十年過去，爭議猶在，那些年的「快樂抗爭」卻已恍如隔世。男人四十的朱凱廸，亦由當年原居民口中搞搞震的排骨仔，變成尊貴的議員。「人生中難再有菜園村這個經歷。」連獨生女都叫「不遷」的他苦笑。
作為當年反高鐵運動的核心成員，朱凱廸如何看成敗？「每件事都有不同層次，成功係制度上嘅改變，但喺香港，要制度上有改變係最難。嗰時唔係行得好前，相反係退到好後，由市區返去新界，了解鄉村情況。08年底，社運圈有消息傳出話有村民因建高鐵出嚟示威，我當時喺香港獨立媒體網做編輯，搞咗個公民記者課程，就同朋友去菜園村搜集資料，遇到高春香（菜園村關注組主席）」。
「當年香港較有希望」
以市區青年身份走進農村的朱凱廸，正是當年首批關注事件的「村外人」。「包括高鐵造價貴，以至有人提出係中國硬件上逼香港融入嘅政治工程，甚至懷疑鐵路連接石崗軍營，所以係軍事計劃等，都係後期發展出嚟嘅議題，當時我最關心嘅，其實係香港人喺呢個城市，由歷史建築到呢條村到大基建，有得講冇得決定嘅現實。由誰決定香港未來城市發展？土地如何用？住屋要如何分配？」一個個護村故事，在社交媒體推波助瀾下，菜園村輕易成為反高鐵運動的爭議核心。
那些年，新媒體方興未艾，大批青年透過網絡號召，四方八面由社區湧到新界聲援。「當年整個香港比較有希望，自己都係帶着希望參與，對比之後一地兩檢立法，香港係無能為力」。回望手握白米種子五區苦行的美好時代，現實很殘酷：「到今日，市民仍然喺土地大辯論騙局式諮詢中被愚弄，10年與現在仍然一樣」。
十年回望，一條快樂抗爭的路，確實越走越艱難。「依家係政治公關嘅年代，親中派行民粹路線，製造敵人動員支持者，高鐵之後雨傘運動，到後來嘅旺角騷亂，大家都付出好大代價，政權學識群眾對群眾，反高鐵時不會有陳淨心不會有愛港之聲」。只是，他還沒太悲觀，只因深信「氣球始終會爆」，關鍵只在於人心不可死。
反高鐵運動讓他學懂「對抗的藝術」，今日走進議會，他謂正努力學習「明白對手」。「以前你鬧我我會避開，依家會希望突破，唔再將對手定型」。就如由反高鐵運動引伸出來的新界問題，他也有獨特看法：「有人話要取消丁權，我就會問：民主派有冇想過會有一個支持民主嘅村長，或者係會維護新界環境嘅鄉議局？」
全情投入 人生難再
「進入體制從來都係一件複雜嘅事，我從來唔係很主流嘅人，自我定位係希望開新嘅政治領域同空間」。在惡劣的時代，他認為更需固本培元和繼續思考。「與其抱焦慮心態綁住咩都唔郁，覺得無事可為，倒不如喺香港政治壓迫嘅處境下拉闊戰線，企高少少企遠少少，為社會做長期嘅計劃，累積能量，等需要發揮時可用。」
參選遭恐嚇也不怕，他一直意志堅定。「不需覺得自己好失敗，全世界也如是，就算喺美國生活，無力感都可以好強，係有票投但俾有錢人玩晒」。他認為，香港就如登上那架「由旺角開往大埔的紅van」，儘管風大雨大，大家扮無事發生，只諗買樓和埋首規劃人生，但在他眼中，只管自利的政權，升斗市民有誰可獨善其身？「社會不斷學，80年代討論港珠澳大橋，角度係基建帶動經濟，工業化係好，呢套思維，大家到依家先識去質疑，係太慢，慢到無辦法喺建之前提出質疑同阻止，但學唔切都要去學」。
不同年代不同角色，他直言10年前反高鐵運動，是他人生重要部份，只專注做一件事，帶着希望全情投入，他承認今日香港，與10年前大不同，而他也再難像與當年菜園村一樣，再建立這樣緊密和深入的關係：「一世人可能只有一次機會建立呢種關係，投入到呢個程度係好難，人生中難再有菜園村這個經歷，10年前覺得一世人流流長大把機會，但原來已行過那個階段。」
作為當年反高鐵運動的核心成員，朱凱廸如何看成敗？「每件事都有不同層次，成功係制度上嘅改變，但喺香港，要制度上有改變係最難。嗰時唔係行得好前，相反係退到好後，由市區返去新界，了解鄉村情況。08年底，社運圈有消息傳出話有村民因建高鐵出嚟示威，我當時喺香港獨立媒體網做編輯，搞咗個公民記者課程，就同朋友去菜園村搜集資料，遇到高春香（菜園村關注組主席）」。
「當年香港較有希望」
以市區青年身份走進農村的朱凱廸，正是當年首批關注事件的「村外人」。「包括高鐵造價貴，以至有人提出係中國硬件上逼香港融入嘅政治工程，甚至懷疑鐵路連接石崗軍營，所以係軍事計劃等，都係後期發展出嚟嘅議題，當時我最關心嘅，其實係香港人喺呢個城市，由歷史建築到呢條村到大基建，有得講冇得決定嘅現實。由誰決定香港未來城市發展？土地如何用？住屋要如何分配？」一個個護村故事，在社交媒體推波助瀾下，菜園村輕易成為反高鐵運動的爭議核心。
那些年，新媒體方興未艾，大批青年透過網絡號召，四方八面由社區湧到新界聲援。「當年整個香港比較有希望，自己都係帶着希望參與，對比之後一地兩檢立法，香港係無能為力」。回望手握白米種子五區苦行的美好時代，現實很殘酷：「到今日，市民仍然喺土地大辯論騙局式諮詢中被愚弄，10年與現在仍然一樣」。
十年回望，一條快樂抗爭的路，確實越走越艱難。「依家係政治公關嘅年代，親中派行民粹路線，製造敵人動員支持者，高鐵之後雨傘運動，到後來嘅旺角騷亂，大家都付出好大代價，政權學識群眾對群眾，反高鐵時不會有陳淨心不會有愛港之聲」。只是，他還沒太悲觀，只因深信「氣球始終會爆」，關鍵只在於人心不可死。
反高鐵運動讓他學懂「對抗的藝術」，今日走進議會，他謂正努力學習「明白對手」。「以前你鬧我我會避開，依家會希望突破，唔再將對手定型」。就如由反高鐵運動引伸出來的新界問題，他也有獨特看法：「有人話要取消丁權，我就會問：民主派有冇想過會有一個支持民主嘅村長，或者係會維護新界環境嘅鄉議局？」
全情投入 人生難再
「進入體制從來都係一件複雜嘅事，我從來唔係很主流嘅人，自我定位係希望開新嘅政治領域同空間」。在惡劣的時代，他認為更需固本培元和繼續思考。「與其抱焦慮心態綁住咩都唔郁，覺得無事可為，倒不如喺香港政治壓迫嘅處境下拉闊戰線，企高少少企遠少少，為社會做長期嘅計劃，累積能量，等需要發揮時可用。」
參選遭恐嚇也不怕，他一直意志堅定。「不需覺得自己好失敗，全世界也如是，就算喺美國生活，無力感都可以好強，係有票投但俾有錢人玩晒」。他認為，香港就如登上那架「由旺角開往大埔的紅van」，儘管風大雨大，大家扮無事發生，只諗買樓和埋首規劃人生，但在他眼中，只管自利的政權，升斗市民有誰可獨善其身？「社會不斷學，80年代討論港珠澳大橋，角度係基建帶動經濟，工業化係好，呢套思維，大家到依家先識去質疑，係太慢，慢到無辦法喺建之前提出質疑同阻止，但學唔切都要去學」。
不同年代不同角色，他直言10年前反高鐵運動，是他人生重要部份，只專注做一件事，帶着希望全情投入，他承認今日香港，與10年前大不同，而他也再難像與當年菜園村一樣，再建立這樣緊密和深入的關係：「一世人可能只有一次機會建立呢種關係，投入到呢個程度係好難，人生中難再有菜園村這個經歷，10年前覺得一世人流流長大把機會，但原來已行過那個階段。」
留言 (0)
