生命中有兩個重要女人

【蘋果日報】常言道：「成功的男人，背後都有偉大的女人」蔡志明在訪問中，不時提起他生命中兩個重要的女人──媽媽和太太。
蔡太李惠莉投身教育工作，開設幼稚園，不少人都知道，但原來蔡太走上這條春風化雨的路，全因其奶奶，即是蔡志明的媽媽。蔡志明說，其母從前在九龍城開私立學校，做校長，工作很忙。他與太太結識後，太太亦會到學校幫忙教書，亦因此令她對教育感興趣。蔡志明小時候家教深嚴，「但一路大個，就鬆啲鬆啲，到投身社會就完全放開，等你完全發展，我真係服咗佢（媽媽）！」
盛讚太太千依百順
兩夫婦各有各忙，但照顧孩子的重擔仍落在蔡太身上。蔡志明多次盛讚太太，「蔡太好好人，真係千依百順，總之有咩嘢，幫你睇住，（家人）生病佢好緊張。」
蔡太亦鼓勵他尋回從前的夢想──讀書。蔡志明2001年在哈爾濱工業大學考獲管理學博士榮銜，「讀埋博士，係我嘅願望。嗰時要考試一星期，蔡太好鼓勵我，仲陪我一齊去，就畀我考到，現時香港都係得我一個人入到咋！」