上水往中環　Uber收$1,488

【蘋果日報】昨早新界區大部份巴士停駛、東鐵只提供有限度服務，市民上班都要絞盡腦汁。從事金融業的鄧小姐早上約7時出門，準備由上水往中環上班，但巴士停駛，只能改搭的士上班，「Call咗好多次的士都話冇車，話好多冧樹，入唔到嚟」。她最終改搭Uber，但上水到中環的車程，最初車資顯示約800元，但之後升至約1,200元，最終落車更要付1,488元（圖），「平日搭巴士去中環25蚊，搭的士都係400蚊，（Uber）個司機都話（車費）比平日貴4倍，但我趕住返工冇辦法」。
付出金錢，仍未能準時抵達公司，「我其實要8點半返到公司，但7點45分上車，最終10點15分先返到公司，因為沿途好多冧樹，有啲位俾樹木阻路要掉頭，又要兜路，原本45分鐘車程，用咗兩個幾鐘。」
■記者譚靜雯