華懋CEO倡棕農地建屋　堅拒發展郊園

【蘋果日報】【土地爭議】土地大辯論本月底完結，土地供應專責小組估算本港未來尚欠至少1,200公頃土地。華懋集團執行董事兼行政總裁蔡宏興接受《蘋果》專訪時則認為本港並非缺地，只是土地錯配，如房屋用地、特別是公營房屋用地比例少得不合理，認為各供應選項中，棕地及私人農地均可先行，但他堅決反對發展郊野公園，稱「一步都唔可以退」，又提出檢討丁屋及發展軍事用地，認為丁權反映社會不公，「係咪今時今日仲畀呢啲嘢發生？」是少數表態反對發展郊野公園的發展商。
記者：鍾雅宜
蔡宏興為南豐發展前董事總經理，年初轉任華懋行政總裁（CEO），身為發展商代表的他，去年獲公專聯司馬文邀請加入民間土地資源專家組。蔡宏興接受專訪時直言，希望將不同聲音帶入辯論，「（土地小組）成員都比較幫政府畀意見，未必廣泛性有晒所有聲音」。但強調其言論並非代表公司，「我都係香港人，一定好關心（土地問題），對環境、社會建設特別關心」。
對於小組假設的土地短缺量，蔡直言不同意，「我覺得係錯配多過唔夠地，香港有地，但得6.8%用來住房，農業有成6.1%，比例唔係好啱。」他強調本港並非不需要農地，但比例未必需要如此多。另一錯配是居於公營房屋人口約佔全港一半，但相關用地比例最少，鄉村式發展用地反而佔最多。規劃署資料顯示，2017年整體住宅用地達77公頃，公營房屋僅佔兩成、16公頃；鄉郊居所佔四成半、35公頃，其餘為私人住宅用地。
促建丁廈 檢討丁權
蔡宏興認為未來應釋放鄉村式發展用地，「丁屋得3層，香港唔夠地，點解仲留咁多地起呢個密度嘅屋？」蔡宏興建議興建丁廈滿足丁權人士需要；亦促政府盡快檢討丁權，「任何一個社會要進步，應睇吓有乜地方唔公平，你話係傳統，以前有妹仔、童養媳，係咪今時今日仲畀呢啲嘢發生？」
另一錯配是軍事用地，蔡宏興舉例指石崗軍事機場限制了周邊發展，新型軍機難以使用該機場，看不到有實際保衞香港作用，「政府係咪可以幫我哋同中央講，請佢哋考慮（作其他發展）呢？」
土地小組提倡的18個供應選項，他認為棕地較快可上馬，因已有交通配套，亦可取締部份不合法的棕地作業；他亦支持發展私人農地，「啲人話益咗發展商，唔應該睇益咗乜人，而睇對社會有無正面作用，如增加公屋供應」。
他承認大部份新界農地落於數大發展商之手，華懋無新界土儲，要避免官商勾結，制度應公開透明，甚至地價收入都可公開。
蔡宏興支持發展粉嶺高爾夫球場，可在2020年用地屆滿時不續約或者收回部份土地；對於高球場稱需要訓練場地，「呢啲唔需要私人做，政府做都得，古蹟、古樹都有辦法保留」。
唯獨發展郊野公園邊陲，蔡宏興認為一步都不能退，「唔應草率發展，唔表示一世都唔可以，但今日睇唔到有急切性」。有建議稱只發展1%的郊野公園，「有啲嘢唔係數量問題，係原則問題，有啲價值觀唔應該變，如保育自然」。