iPhone提早出貨 炒家cut單保平安

【蘋果日報】蘋果最新推出三款新手機，其中iPhone XS及XS Max（圖）前日開始預訂，但定價破萬，兼被指無新意，氣勢不及往年，有先達廣場店主稱新機「明顯比較易訂」，官網至昨日仍未斷貨，反映貨量多，不利炒風，料炒價或與原價差不多，會視乎開售當日銷情再決定收機數量。有網民稱定單自動提早出貨日期，料因較多買家擔心炒燶放棄定單。
記者前日在蘋果官網試訂新機，iPhone XS Max金色的較大容量版本在開放預訂後數分鐘，送貨期已排到10月份。不過，記者昨午再試訂，該款機全部版本均可於今個月26日至下月4日送貨，而iPhone XS黑色及銀色的64GB版本，以及同款機金色的全部容量版本，更可於今個月22日至27日送貨。有前日訂機的網民指，定單送貨日期昨日自動提前，料因較多買家棄單而讓出存貨；有網民「聞到燶味」，聲稱已「cut單保平安」。
先達舖未定回收價
先達廣場手機店「i世代」負責人勞景滺指，陸續有人預訂新機，金色iPhone XS Max最受歡迎，但目前未知回收價及炒價，預計至本周中才有較準確的參考價，暫估計「水位」不高。另一店舖「流動樹」負責人Jason則指暫有數名客人訂機，他稱蘋果官網至昨午「仲有得訂」，反映新機貨量多，「對炒家嚟講唔係咁好」。
■記者袁樂婷